பொதுசுகாதாரம் இன்று

டாக்டர் முத்துலட்சுமி ரெட்டி மகப்பேறு நிதி உதவித்திட்டம் மாதிரி மனு

2012-01-02T14:49:00.002+05:30

பெண்டாவேலண்ட் கரூர் மாவட்டத்தில் துவக்கம்

2011-12-25T12:26:00.000+05:30

2011 டிசம்பர் 22 ல் பெண்டாவேலண்ட் தடுப்பூசி கரூர் மாவட்டத்தில் முதன்முதலாக சேங்கல் ஆரம்ப சுகாதார நிலையத்தில் மாவட்ட ஆட்சியர் சோபனா துவக்கி வைத்தார் .இந்த நிகழ்ச்சியில் கரூர் சுகாதாரப்பணிகள் துணை இயக்குனர் திரு.சம்பத்குமார்,ஒன்றியக் குழுத்தலைவர் முத்துசாமி,டாக்டர்.பிச்சைமுத்து,மாவட்ட பூச்சியல் வல்லுனர் திரு,சிவக்குமார் சித்த மருத்துவர் சித்ரா,தாசில்தார் மூக்கன்,சட்டமன்ற உறுப்பினர் காம்ராஜ் ஆகியோர் கலந்து கொண்டனர்..

"பெண்டாவேலண்ட்"வேலூரில் அமைச்சர் விஜய் தொடங்கி வைத்தார்

2011-12-17T22:44:00.002+05:30

குழந்தைகளுக்கு 6 தடுப்பூசிகளுக்கு பதிலாக ஒரே தடுப்பூசி போடும் திட்டம் தமிழ்நாட்டில் முதல் முறையாக வேலூரில் இன்று அறிமுகப்படுத்தப்பட்டது. சுகாதாரம் சம்பந்தமான சிறந்த உள்கட்டமைப்பை தமிழ்நாடு பெற்றிருப்ப தாலும், தடுப்பூசி திட்டத்தை செயல்படுத்துவதில் சிறந்த மாநிலமாக திகழ்வதாலும், மத்திய அரசு பெண்டாவேலண்ட் தடுப்பூசியை அறிமுகப்படுத்த தமிழகத்தை தேர்வு செய்தது.

வேலூர் அடுத்த அலமேலு மங்காபுரம் ஆரம்ப சுகாதார நிலையத்தில் புதிய தடுப்பூசி தொடக்கவிழா இன்று நடந்தது. சுகாதார துறை அமைச்சர் டாக்டர் விஜய் இத்திட்டத்தை தொடங்கி வைத்தார். இதில் அமைச்சர் முகமது ஜான், எம்.எல்.ஏ.க்கள் கலையரசு, சீனிவாசன், மேயர் கார்த்தயாயினி, கலெக்டர் நாகராஜன், பொதுசுகாதாரத்துறை இயக்குனர் டாக்டர்.பொற்கைப் பாண்டியன் மற்றும் வேலூர் மாவட்ட சுகாதார துறை அதிகாரிகள் கலந்து கொண்டனர். . பெண்டாவேலண்ட் தடுப்பூசி அறிமுகப்படுத்துவதால் ஏற்படும் நன்மைகள்.

குழந்தைகளுக்கு போடப்படும் ஊசிகளின் எண்ணிக்கை குறைகிறது.
புதிதாக சேர்க்கப்பட்ட குழந்தைகளுக்கு ஏற்படும் நிமோனியா மற்றும் மூளை பாதிப்பை குறைக்கிறது.

நடப்பு ஆண்டில் 2011-12-ல் 3.60 லட்சம் குழந்தைகள் பெண்டா வேலண்ட் தடுப்பூசியின் மூலம் பயன் பெறுவார்கள் என தெரிவிக்கப்பட்டுள்ளது.

சிகரெட் ஸ்டைல் வேண்டாம்!

இந்த விழாவில் வேலூர், காஞ்சிபுரம், திருவள்ளூர் மாவட்டங்களுக்கான புகையில்லா திட்டத்தையும் அமைச்சர் தொடங்கிவைத்தார். இத்திட்டம் குறித்து அமைச்சர் பேசியது:

புகையிலையால் ஏற்படும் தீமை எல்லோரும் அறிந்த ஒன்று. பொது இடங்களில் புகைப்பிடிப்போரை சட்டத்தின் மூலம் கட்டுப்படுத்த முடியும். வீடுகளில் புகைப் பிடிப்பதை தாய்மார்கள் தடுக்க வேண்டும். நாங்கள் எம்ஜிஆரை பார்த்து கழகத்தில் இணைந்தவர்கள். அவர் புகைப்பிடித்ததும், மது அருந்தியதும் இல்லை. அவர் வழியில் வந்த தொண்டர்கள் இந்தப் பழக்கங்களுக்கு ஆளாவதில்லை. இன்றைய நடிகர்கள் மற்றவர்களுக்கு முன்னுதாரணமாக இருக்க வேண்டும். பெற்றோரும் பிள்ளைகளுக்கு முன்னுதாரணமாக இருக்க வேண்டும்.

பெண்டாவேலண்ட்' தடுப்பூசி: பத்திரிகை செய்தி வெளியீடு

2011-12-17T07:06:00.002+05:30

பெண்டாவேலண்ட் தடுப்பூசி தொடர்பாக அரசு 15.12.2011 அன்று வெளியிட்டுள்ள செய்தி [Press release Introduction of Pentavalent vaccine in Tamil Nadu ] கீழே.இத் தடுப்பூசி தொடர்பான முந்தைய பதிவை படிக்க இங்கு செல்லவும்

pentavalent vaccine

Tamil Nadu Vector Science Forum

2011-12-16T23:43:00.002+05:30

An exclusive independent forum called Tamil Nadu Vector Science Forum is being started in the State soon by a group of individuals from entomology background to undertake intensive research studies on the changing dynamics of vector-borne diseases.

The forum will have entomology experts, retired public health officials and interested natural sciences faculty of universities and colleges as its members.

TOP PRIORITY

It will be a forum where research on vector borne diseases would get top priority and scientists will collectively undertake studies for better understanding of vector bionomics.

S. Elango, former Director of Public Health and Preventive Medicine, who will be the convenor of Tamil Nadu Vector Science Forum, told The Hindu here on Sunday that the initial formalities for starting the forum were completed and it will be registered next month.

TO BE REGISTERED

“We want to get going at the earliest. The forum will have to be registered under the Societies Act and it should be over before end of December. In the mean time, steps are being taken to rope in some vector science experts to join us,” he said.

Dr. Elango had stressed that it is important to have analytical study of aedes aegypti mosquito which spreads dengue fever.

Its flight pattern had changed in recent times according to studies and hence, the Tamil Nadu Government's Department of Public Health will have to look into those aspects also for prevention of diseases, he added.

“Bionomics, transmission and behaviour of vectors have changed. Disease transmission will continue to happen if the changes were not studied and we act accordingly. The Tamil Nadu Vector Science Forum will focus on issues like these,” the retired public health director said.

According to him, the mosquito breeding pattern too seemed to have changed and entomologists have recently come out with some findings and those studies must be taken in to account.

“We will request the Indian Council of Medical Research and the Centre for Research in Medical Entomology at Madurai to support our initiatives in the larger public interest,” he said.

Dr. Elango has appealed to entomologists, scientists, zoologists and vector science specialists at various universities and colleges in Tamil Nadu to become members of the forum and get engaged in collective work for scientific research, studies and prevention of vector borne diseases.

Those who are interested to know more about the Tamil Nadu Vector Science Forum can contact Dr.Elango on mobile number 94434-49115.

தெரிந்து கொள்வோம் நம் துறைச்செயலரை.

2011-12-16T11:08:00.008+05:30

Everyday Leadership

வலைதளத்தில் வெளியிடப்பட்டுள்ள இவரது பேட்டியின் கானொளியும் அவர்பற்றிய சுருக்கமும் கீழே.

Girija Vaidyanathan, IAS, is currently the principal secretary of the Health and Family Welfare Department in the Government of Tamil Nadu. Since joining the prestigious Indian Administration Service thirty years ago, she has held numerous positions overseeing departments in health, education, agriculture, transportation and state planning. Ms. Vaidyanathan completed graduate studies in physics, chemistry and mathematics.

The biographical information on this page is current as of the time this

person was interviewed for the Everyday Leadership video project but

may not reflect current developments in their life or career.

வீடியோவை கிளிக் செய்து பார்க்கலாம்.

பணிஓய்வு

2011-12-14T07:10:00.003+05:30

திருமதி.எஸ்.பங்கஜவள்ளி அவர்கள் பகுதி சுகாதார செவிலியராக தோகமலை ஆரம்ப சுகாதார நிலையத்திற்குட்பட்ட காவல்காரன்பட்டி ஆரம்ப சுகாதார நிலையத்தில் பணியாற்றிவந்தார்.இவர் 26.10.2011 அன்று சுய விருப்பத்தின் பேரில் பணிஓய்வு பெற்றார் அவருக்கான பிரிவு உபசார விழா தோகைமலையில் நடைபெற்றது.

தனது பணிக்காலத்தில் மிகுந்த அர்ப்பணிப்புணர்வுடன் பணியாற்றியவர் இவர்.சிறந்த மனிதநேயம் மிக்கவர்.. தனது வேலையை பார்ப்பதற்கே சிரமப்படும் ஊழியர்களைப் போலல்லாமல் அடுத்தவர்களின் பணிகளையும் சேர்த்து செய்யக்கூடியவர்.இதுவரை அவர் பணியாற்றிய அலுவலர்களிடம் நற்பெயர் எடுத்தவர்.இன்னும் நிறைய பணிக்காலம் அவருக்கு இருக்கிறது இருப்பினும் குடும்ப சூழல் காரணமாக இவர் சுய விருப்பத்தின் பேரில் ஓய்வு பெற்றுள்ளார்.

சாதாரணமாக துறையில் “சிஸ்டர்” என்ற பதம் பரவலாக அனைவராலும் பயன்படுத்தப்படும்.உண்மையில் அதன் பொருள் பூரணமாக இவருக்குப் பொருந்தும்.ஒரு சின்ன உதாரணமாக உடன் பணியாற்றும் ஒரு சக ஊழியரின் பெண் திருமணம்.அவருக்கு நிதி தட்டுப்பாடு.வட்டிக்காவது ஒரு லட்சரூபாய் பணம் கிடைத்தால் பரவாயில்லை என்கிற நிலையில் அதைப்பற்றி பங்கஜவள்ளி சிஸ்டருடன் பகிர்ந்து கொள்கிறார். உடனடியாக தனது கழுத்தில் இருந்த 10 பவுன் செயினை கழற்றிக் கொடுத்து என்னிடம் இப்போது பணமில்லை இதை வைத்து திருமணத்தை நடத்துங்கள் உங்களுக்\கு எப்போது பணம் கிடைக்கிறதோ அப்போது மீட்டுத்தாருங்கள் என்று கூறியுள்ளார்.

இதில் என்ன சிறப்பு எனில் இந்த விவரம் ஆரம்ப சுகாதார நிலைத்தில் யாருக்கும் தெரியாது.இவரது பிரிவு உபசார விழாவில் பயனடைந்த சகோதரி தனது கண்ணீருக்கு இடையே இந்த சம்பவத்தை கூறியபோது தான் மற்றவர்களுக்கே தெரியும்.

உதவி செய்வது மட்டுமில்லாமல் அதை பிரபலப்படுதிக்கொள்ளாத மனோபாவம் போற்றுதலுக்குரியது.இவரது பிரிவு உபசார விழாவிற்கு உதவி இயக்குனர் திரு.ஈஸ்வரன் அவர்கள் வருகை தந்து இவரை கவுரவித்தார்.

இவருடன் இவர் காலத்தில் பணியாற்றிய நினைவுகள் என்றும் மனதில் இருக்கும்.

வாழ்த்துக்கள் சகோதரி.

2004க்கு பின் போலியோ பாதிப்பு இல்லை

2011-12-11T18:53:00.001+05:30

தமிழகத்தில் இடம் பெயர்ந்து வாழ்வோரின் குழந்தைகளுக்கு, 11.12.2011 இன்று போலியோ சொட்டு மருந்து வழங்கப்படும்.இதுகுறித்து அரசு வெளியிட்ட அறிவிப்பு: தமிழகத்தில் ஒவ்வொரு ஆண்டும், "பல்ஸ் போலி யோ சிறப்பு முகாம்'கள் நடத்தப்பட்டு, ஒரு வயதுக்குட்பட்ட குழந்தைகளுக்கு முறையான தவணைகளில் தடுப்பு மருந்துகள் வழங்கப்பட்டு வந்தது. இதனால், 2004க்கு பின் போலியோ நோயால் எந்த குழந்தையும் பாதிக்கப் படவில்லை.

இருந்த போதிலும் வெளி மாநிலங்களிலிருந்து தமிழகத்துக்கு வேலை தேடி வருவோரின் குழந்தைகள் மூலம் இந்த நோய் பரவும் அபாயம் இருந்து வருகிறது.இவ்வாறு, அடிக்கடி இடம் பெயர்ந்து வாழ்வோரின் குழந்தை களுக்கு சரியான தவணைகளில் தடுப்பு மருந்துகள் கிடைப்பதில்லை.இதை கருத்தில் கொண்டு,இடம் பெயர்ந்து வாழ்வோரின் குழந்தைகளுக்கு போலியோ நோய்க்கு எதிரான தடுப்பு சக்தியை உருவாக்குவதற்காக, 11.12.2011 அன்று போலியோ சொட்டு மருந்து கொடுக்க, தமிழகம் முழுவதும் அனைத்து ஏற்பாடுகளும் செய்யப்பட்டுள்ளன.

இதன்படி,

கட்டுமானப் பணிகள் நடைபெறும் இடம்,

மேம்பாலம்,

தொழிற்சாலை,

நெடுஞ்சாலை,

ரயில்வே பணி கள்,

செங்கல்சூளை,

நரிக்குறவர் தங்குமிடம்,

வேளாண் தொழிலாளர்கள் வசிப்பிடம்,

மீனவ பகுதி,

சாலையோர குடியிருப் புகள்,

இலங்கை அகதிகள்

ஆகியோருக்கு போலியோ சொட்டு மருந்து வழங்கப்படும்.

பெண்டாவேலண்ட்' தடுப்பூசி:

2011-12-11T18:38:00.009+05:30

pentavalent vaccine

குழந்தைகளை வெகுவாக அச்சுறுத்தி வந்த,

· தொண்டை அடைப்பான்,

· கக்குவான் இருமல்,

· ரண ஜன்னி ஆகிய நோய்கள்,

தமிழகத்தில் அகற்றப்பட்டு விட்டன. இந்த நோய்களுக்கு, டி.பி.டி., தடுப்பூசி போடப்பட்டு வந்தது. தற்போது, இந்நோய்களையும் சேர்த்து,

· ஹெப்படைட்டீஸ் பி தடுப்பு மருந்து,

· நிமோனியா காய்ச்சல்

· மூளைக் காய்ச்சலை தடுக்கும், "ஹிப்' தடுப்பு மருந்து

diphtheria, pertussis, tetanus, hepatitis B and haemophilus influenza type B (HiB)

ஆகிய நோய்களுக்கும்,"பெண்டாவேலண்ட்' என்ற ஒரே தடுப்பு மருந்து கண்டுபிடிக்கப்பட்டுள்ளது. இம்மருந்து, இந்தியாவில் முதல்கட்டமாக, தமிழகம் மற்றும் கேரளத்தில் அறிமுகப் படுத்தப்படுகிறது. இது மிகவும் பாதுகாப்பானது என்பது, பரிசோதனைகளில் நிரூபிக்கப்பட்டுள்ளது.

"பெண்டாவேலண்ட் தடுப்பூசியால், பக்க விளைவுகள் ஏதும் ஏற்படாது என, நிரூபிக்கப்பட்டுள்ளது.இருப்பினும்,முன்னெச்சரிக்கையாக, ராமப்புறங்களில் தடுப்பூசி போடும் இடங்களுக்கே, டாக்டர்கள் அனுப்படுவர்.இந்த தடுப்பு மருந்து, வெளிச்சந்தையில், 350 ரூபாய்க்கு விற்கப்படுகிறது. ஆனால், எல்லா ஆரம்ப சுகாதார நிலையங்களிலும், அரசு மருத்துவமனைகளிலும், இலவசமாக வழங்கப்படும்,''

முதல்தமிழகத்தில், வரும் டிச., 17ம் தேதி, வேலூரில் நடக்கும் விழாவில்,

சுகாதாரத் துறை அமைச்சர் விஜய், இத்திட்டத்தை துவக்கி வைக்கிறார்.

வரும் டிச.21ம் தேதி முதல், தமிழகம் முழுவதும் இத்திட்டம் விரிவு படுத்தப்படும்.

கவிஞர் ஜீவி

2011-12-09T11:39:00.009+05:30

கவிஞர் ஜீவி என்கிற ஜி.வெங்கட்ராமன்

புதுக்கோட்டை துணை இயக்குனர் ( தொழுநோய் ) அலுவலகத்தில் சுகாதார ஆய்வாளாராகப் பணிபுரிகிறார். என் எழுத்துகளை யார் படிக்கிறார்கள் என்பது எனக்குத் தெரியாது., ஏன் எழுதுகிறேன் என்பதும் எனக்குத் தெரியாது', என்று எழுதுவது பற்றி 'தெளிவாக' கருத்துகளைப் பகிரும் படைப்பாளர்களிடையே, தன் எழுத்துகளை படிக்கும் வாசகன் யார், தன் எழுத்து யாருக்காக எழுதப்படுகிறது, எழுதுவதன் சமூகத் தேவை என்ன என்பது பற்றிய சரியான புரிதல்களோடு கால் நூற்றாண்டு காலமாக தமிழில் கவிதைகள் எழுதிவரும் கவிஞர் ஜீவி பொது சுகாதாரத்துறையை சேர்ந்தவர் என்பது நமக்கெல்லாம் பெருமை சேர்க்கக் கூடியது.
சமீபகாலமாக ”டைம்ஸ் ஆப் இந்தியா ” தொலைக்காட்சி விளம்பரத்தில் வரும்

ஏ....ஆராரோ ஆரிரரோ......
எங்கண்ணே ஆராரோ ஆரிரரோ......
குறிஞ்சி மலைத்தேனே கொண்டாடும் சந்தனமே.....
சரிஞ்சி படுத்திருக்கும் சென்பகமே கண் உறங்கு. (ஆஆ....)
நிலவே தூங்கும் வேள...நீயேன் தூங்கவில்லை
நிலவே தூங்கும் வேள...நீயேன் தூங்கவில்லை
ஆற்றங்கரை காற்றினிலே அன்பே கண் உறங்கு..... (ஆஆ.....)
ஆற்றங்கரை காற்றினிலே அன்பே கண் உறங்கு

(வீடியோ பார்க்க)

பாடல் அறிவொளி இயக்க காலத்தில் இவர் எழுதியது தான்.

தமிழ்நாடு முற்போக்கு எழுத்தாளர் மர்றும் கலைஞர்கள் சங்கத்தின் மாநில துணைப் பொதுச்செயலாளராக இருக்கிறார்.

வாழ்வை சரியான கோணத்தில் பார்ப்பதும்,அதனை பதிவு செய்வதும் இவரது கவிதைகளில் முன்னிலை வகிக்கிறது.

உதாரணமாக:

மீறல்

அழுத்தி அழுத்தி சீவினாலும் படியாமல்
நெற்றியில் விழுகிறது கற்றை முடி.
பார்த்துப் பார்த்து போட்டாலும்
டீச்சரின் கோட்டை விட்டு
விலகிப் போகிறது பையனின் 'ஆனா'.
தேடித் தேடி நடந்தாலும் பாதச்சுவட்டை விட்டு
தவறிப் போகிறது நடை.
எப்படித்தான் அலசினாலும் எங்காவது ஓரிடத்தில்
அதிகமாய் போய்விடுகிறது சட்டையில் நீலம்
அறைக்குள் வைத்தே வளர்த்தாலும்
ஜன்னலுக்கு வெளியே தலை சீட்டிச்
சிரிக்கிறது பூ !
ஒரே மாதிரி டிக் டிக் கேட்டு
வாழ்க்கை நகரவேண்டுமென
ஏன் நினைக்கிறாய் ?

(நைலான் ஊஞ்சல்)

இன்னொரு கவிதையில் ...

பித்தளை சட்டிகளுக்கு
புளிச்சக்கை.
சில்வர் தட்டுகளுக்கு
விம் பவுடர் .
வெள்ளி பாத்திரங்களுக்கு
விபுதி மட்டும்.
பளபளவென
விளக்கி வைக்கும் அம்மாவால்
கடைசிவரை விளக்கவேமுடியவில்லை
அப்பாவிடம் தன் மனசை...............

ஓட்டு வீடுகள் காங்கிரீட் வீடுகளாகவும்,கைவிசிறிகள்,ஃபேன்,ஏர்கூலர்,ஏசி என மாற்றம் பெறுகிறது.கரி படிந்த சமையலறையில் முன்பு அம்மாக்கள் சமைத்தார்கள்.இப்போதோ டைல்ஸ்பதித்த அழகிய சமையலறையில் பெண்கள் சமைக்கிறார்கள்.வீடுகள் தோறும் புறத்தோற்றம் மாறியிருக்கிறதேயொழிய அதில் வசிக்கும் பெண்களின் மன வெட்கை குறையவில்லை.’ஆணும் பெண்ணும் நிகரெனக் கொள்வதால் அறிவில் ஓங்கி இவ்வையம் தழைக்குமாம்’எனும் பாரதி வரிகளை வழிமொழிகிற கவிதைகளை கவிஞர்கள் இன்னும் நிறைய எழுத வேண்டும்.” என தானும் எழுதுவதோடு சக கவிஞர்களை கைபிடித்து தடம் பார்த்து அழைத்துச் செல்லும் பணியினையும் மேற்கொண்டு வருகிறார்.

படிக்கும் வாசகனின் கண்களைக் கட்டி, இருட் புதருக்குள் இழுத்துப் போகும் பம்மாத்துத் தனங்கள் இல்லாமல், வாசகனருகே சக நண்பனாய் அமர்ந்து தோள்மேல் கைபோட்டு சிநேகமாய்ப் பகிர்ந்து கொள்ளும் எளிய-இயல்பான மொழியிலான கவிதைகள் ஜீவியினுடையவை.

இதுவரை வெளிவ்ந்துள்ள கவிதை தொகுப்புகள்:

வானம் தொலைந்து விடவில்லை ( 1993)
இருவேறு முகங்கள் (1996)
நைலான் ஊஞ்சல் ( 2001)
சின்னஞ்சிறகுகள் (2003)
அஞ்சறைப்பெட்டி (2007)

கட்டுரைத் தொகுப்புகள்

கவிதை குறித்த சொற்கள் (2008)
கவிதையும் கவிதை சார்ந்தும் (2011)

தமிழ்நாடு முழுதும் பட்டிமன்றம் கவியரங்கம் வழக்காடுமன்றம் உரைவீச்சு போன்ற பல்வேறு நிகழ்வுகளில் பங்கெடுத்துவரும் இவர் புதுக்கோட்டை மாவட்ட அறிவொளி இயக்க ஒருங்கிணைப்பாளராக இருந்துள்ளார்.(அப்போது தான் குறிஞ்சி மலைத்தேனே பாடல் எழுதப்பட்டது).

தமிழ் ஆட்சி மொழியாக 50 ஆண்டுகள் ஆனதை ஒட்டி தமிழக அரசின் தமிழ் வளர்ச்சி பண்பாட்டு துறை நடத்திய கவிதை போட்டியில் பரிசுபெற்றார்.

கவிதைஉறவுபரிசு,
தாரக அரக்கட்டளை பரிசு,
ரோட்டரி,லயன்ஸ் சங்கங்கள் பாராட்டுக்களை பெற்றவர்.

இந்த விருதுகளையெல்லாம் தாண்டி மக்களிடமிருந்து கிடைக்கும் வரவேற்பு இவரை மிகுந்த உற்சாகப்படுத்துகிறது என்கிறார்.ஒரு அரை மணிநேர பேச்சுக்காக 8 மணிநேரம் பிரயாணம் செய்து போக வேண்டியிருக்கும்,சில தருணங்களில் மேடைக்கு பின்புறமே முகம் கழுவி வந்த வேகத்தில் மேடை யேற வேண்டியதிருக்கும்.ஆனாலும் மக்களின் ஊக்கமும் தமிழின் ஆர்வமும் சளைக்காமல் இயங்கவைக்கிறது என்கிறார் ஒரு பேட்டியில்.முதல் நாள் இரவு இவரது பேச்சை கேட்ட ஒரு சாலையோர வியாபாரி பேருந்தில் அமர்திருக்கும் இவர் மடியில் இவர் கேட்காமலே போட்டுச்செல்லும் கடலை பொட்டலத்தை மக்களிடமிருந்து கிடைத்த விருதாக கருதும் இவர் யாருக்காக இயங்குகிறார் எனத் தெளிவாக்குகிறது.முற்போக்கு முகாம் என்றாலே வரட்டு பிரச்சாரக் கவிதை என்கிற பார்வை சில புத்தி ஜீவிகளிடம் இருக்கிறது.அந்த கருத்துகளை தகர்த்தெரிகிறது இவரது கவிதைகள்.

உதாரணமாக

ச்சே.. சின்னப்புள்ளையாவே இருந்துருக்கலாம்

கொட்டையோடு விழுங்கிய இலந்தை
மரமாய் முளைக்குமோ?
கிளைவிட்டு வளர்ந்து வயிறு கிழிக்குமோ ?

புத்தகத்தில் வைத்த மயிலிறகு
நான் ஊருக்குப் போன நாள் பார்த்து
குட்டி போட்டால்
யார் அதற்கு தீனி போடுவார் ?

பள்ளிநாட்களில்
பால்யவயதில்
இவ்வாறாக
தினமும் ஒரு கவலை
மனதில் எழும்
0
வேலைகிடைக்குமா ?
கிடைத்தது நிலைக்குமா ?
வருமானம் போதுமா ?
வாழ்க்கை சிறக்குமா ?
வளர்ந்த பிறகு
வளர்கின்ற கவலையில்
மாட்டிக்கொள்கிற மனசு
நினைத்துப் பார்க்கும்
மீண்டும் வராதா ?
அந்தப் பால்ய நாட்கள் !

இவர் சன் டிவி,பொதிகை,ஜெயா,மக்கள்,விஜய்,ராஜ்

என பல்வேறு தொலைக்காட்சி களில் பேட்டி அளித்துள்ளார்.

பல்வேறு வார,மாத இதழ்களில் இவரது படைப்புகள் வெளியாகைவருகிறது.

இணைய இதழ்கள் அம்பலம்,ஆறாம்திணை,இந்தாம் போன்றவைகளில் இவர் தன் பங்களிப்பை செய்துள்ளார்.
அப்துல்கலாம்,சுஜாதா ஆகியோர் இவர்து படைப்புகளை குறிப்பிட்டு எழுதியுள்ளனர்.
இதுவரை பேராசிரியர் மோகனசுந்தரம், பழனித்துரை ஆகியோர் இவரது கவிதைகளை ஆய்வு செய்து எம்ஃபில் பட்டம் பெற்றுள்ளனர்.

இவ்வளவு ஆளுமைகள் நிரம்பிய இவர் எமது பொதுசுகாதாரத்துறையில் பணியாற்றுகிறார் என்பது எங்களுக்கெல்லாம் பெருமை அளிக்கக்கூடிய விஷயம்.
ஒரு கவிதையில் இப்படி சொல்கிறார்.

'ஒரு
இரயில்எஞ்ஜினாய்
எப்போதும்இயங்கு.
கூடவேபலரைச்
சேர்த்துக்கொண்டு
உற்சாகமாகக்
கூவிக் கொண்டு...'

வாழ்த்துக்கள் ஜீவி

உஙகளுடன் கம்பார்ட்மெண்ட்டாக இருப்பது எங்களுக்கு பெருமிதம்

இவரது face book முகவரி
http://www.facebook.com/profile.php?id=100001860607183
முகவரி
211/7ஏ பொற்குடையார் கோயில் தெரு
அறந்தாங்கி 614616
செல்:
9443120490
04371-270490
இமெயில்
GEEVEEKAVI@GMAIL.COM

ஒரு டாக்டரின் டயரியிலிருந்து

2011-12-06T10:56:00.003+05:30

பொதுவாக பத்திரிகைகளில் வெளிவரும் டாக்டர்கள் பற்றிய ஜோக் நிறைய படித்திருக்கிறேன்.நர்ஸ்ஸுடன் சரசமாடுவது,நோயாளிகளிடம் அதிக ஃபீஸ் வாங்குவது,ஆப்பரேஷன் சக்சஸ் ஆகாமல் நோயாளியை சாகடிப்பது,மருந்தை மாற்றிக் கொடுப்பது,கவனக்குறைவு ஆப்பரேஷன்,என இவைகள் இருக்கும.

உதாரணமாக,

”நோயாளி: நான் பிழைக்கிறதுக்கு ஏதும் வழி இருக்கா?

உறவினர்: ஒரு வழிதான் இருக்கு. இந்த ஹாஸ்பிட்டளோட பின் வழி. எந்திருச்சு ஓடி போயிடு.. பிழைசுக்குவே..”

நோயாளி„ டாக்டர் குருட்டு அதிர்ஷ்டம்னா என்ன?

டாக்டர்„ நான் ஆபரேஷன் செய்தும் என் முன்னால் உட்கார்ந்து பேசறீங்களே அதான்

நோயாளி„ ஆபரேஷன் பண்றப்ப பாதியில் கரண்டு போயிட்டா என்ன டாக்டர் பண்ணுவீங்க?

டாக்டர்„ அதை அந்த நர்சிடம் கேளுங்க...?

நர்ஸ்„ போங்க டாக்டர்* எனக்கு வெட்கமா இருக்கு..

நோயாளி„ ?.....?......?.....?

இப்படியாக எல்லாவற்றிலுமே கோமாளிகளாகவும்,பணத்தாசை கொண்டவர்களாகவும்,காமுகனாகவும், டாக்டர்கள் சித்தரிக்கப் படுகிறார்கள்.மனிதர்களின் கடைசிக்கு முந்தைய நம்பிக்கை டாக்டர்கள் தான் என்றாலும் இத்தகைய ஜோக்குகள் காலம் காலமாக பல்வேறு மொழிகளிலும் வெளிவந்து கொண்டிருக்கின்றன.இது ஒரு அழகியல் முரண்.

உண்மையில் டாக்டர்கள் தங்கள் அன்றாட வாழ்வில் சந்திக்கும் பல்வேறு நகைச்சுவைகளை ஆவணப்படுத்தினால் கணக்கிலட்ங்காது.ஒவ்வொரு நாளும் ஆரம்ப சுகாதார நிலையங்களில் காணும் நகைச்சுவைகள் எண்ணற்றவை.”கார்டூனிஸ்ட் மதனின் “முன்னெசரிக்கை முத்தண்னா” “ரெட்டைவால் ரெங்குடு” போன்ற பல கேரக்டர்களை டாக்டர்கள் தினமும் சந்தித்து வருகிறார்கள்.அதை பற்றி பேசவோ,பதியவோ அவர்கள் முனைவதுமில்லை ஒருசிலரைத்தவிர.பெரும்பாலும் நோயாளிகளின்அறியாமைதான் இதன் முக்கிய கருவாக இருக்கும். அதனால் இதனை பதிவு செய்வதென்பது கேலி செய்வதாகிவிடுமோ என்ற அச்சமும் இருக்கும். மேலும் நோயாளிகளின் அந்தரங்கம் பாதுகாக்கப்பட வேண்டியது அவசியமாகி விடுகிறது.இதர்கெல்லாம் மேலாக அவர்களுக்கு நேரம் இருப்பதில்லை.

ஆனால் மாறாக சமீபத்தில் டாக்டர்.எம்.கே.முருகானந்தன் அவர்களின் ”ஒரு டாக்டரின் டைரியிலிருந்து” மென் நூல் இணையத்தில் படிக்கக் கிடைத்தது.ஒரு டாக்டரின் அனுபவங்கள் அற்புதமாக பதிவு செய்யப்படுள்ள நூல் இது.இவர் ஈழத்தை சேர்ந்த இவரது ஒவ்வொரு கட்டுரையிலும் (பத்தி) நகைச்சுவை கொப்பளிக்கிறது.எதுவும் வலிந்து ஏழுதப்படவில்லை.மிக எதார்த்தமான பதிவுகள் அவை.நகைச்சுவையினூடாக ஈழத்தின் அவலம், மருத்துவத் தொழிலில் சந்திக்கக் கூடிய அபத்தங்கள் ஆகியவைகள் நேர்த்தியாக பதிவு செய்யப்பட்டுள்ளது குறிப்பிடத்தக்கது.

உதாரணமாக....

ஈழத்தில் போர்க்காலங்களில் இவர் புலம் பெயறாமல் மக்களோடு இருந்து சேவை செய்திருக்கிறார்.அதை அவர் பெருமையாக்வும் நினைத்துக் கொண்டிருக்கிறார்.”

ஆனால் நோயாளி இன்னொருவருடன் பேசிக்கொள்கிறார் ”கெட்டிக்கார டாக்டர்மார்லாம் நல்ல வேலை எடுத்துக் கொண்டு வெளியே போட்டினம்.இஞ்சை மிஞ்சி இருப்பவர்களுக்கு கெட்டிக்காரத்தன்ம் காணாது எண்டு போல” - எப்படி?..இதன் தலைப்பு ”வெளிநாட்டிற்கு ஓடித் தப்பலாமா?”

இன்னொரு கட்டுரையில் டாக்டர்கள் கல்யாணவீடுகளில் சந்திக்கிற நிகழ்வுகள் பற்றிய குறிப்பு வருகிறது ..நல்லது கெட்டது எனப்பாராமல் டாக்டரை பார்த்தவுடன் நோவுபற்றியே பேசும் மனிதர்களை சுட்டுகிறார்.கொடுமையாக குழந்தைகளிடம் கூட “டாக்டர் மாமா ஊசிபோட்டுவார்” என டாக்டர்களை பூச்சாண்டியாக்குவர்களை வேடிக்கையாக இவர் குறிப்பிட்டாலும் அதன் பின்னுள்ள வேதனை உணரமுடிகிறது.

ஒரு ஞாவிறு மாலைப்பொழுதை கூறத்துவங்கும் இவர் இப்படி சொல்கிறார் “ அது ஓர் அமைதியான ஞாயிறு மாலை! ( ஆச்சிரியக் குறி கவனத்தில் கொள்ள வேண்டும்) குண்டடிப்புச் சத்தங்களும் ஷெல்களின் ஓசைகளும் ஹெலியின் வட்டமிடல்களும் கேட்காத அந்திமாலைப் பொழுது” என்கிறார்.ஈழத்தின் களேபரம் படிப்பவர் கண்களில் நிறைகிற்து.

”மருந்து கட்டாவிட்டால் சிறிய காயம் என கொமிட்டிக்காரர் லீவு தரமாட்டினம்.அடிக்கடி கோயில் பூசைக்கு குளிப்பது சிரமமாக இருக்கும்” என்கிற கோயில் அய்யமாருக்கு சிறிய காயத்திற்கு பெரிய கட்டுகட்டி விடநேர்கிறது டாக்டருக்கு.

வயது போனவர்கள் தானே என அவர்களுக்கு தேவையான மருத்துவ உதவிகள் செய்யாத உறவுகளை விமரிசிக்கிறார்.

போனவரியம் இளையவள் ஷெல் அடிச்சு என்ரை கண்முன்னாலே துசிச்சு செத்துப்போனாள்........மூத்தவன் போனமாதம் ஹெலி சுட்டு சன்னம் வயித்தில பட்டு பத்துநாளா ஆஸ்பத்திரியில் கிடந்து அவனும் போட்டான்......என கூறி ஏற்கனவே செய்த குடும்பக் கட்டுபாட்டு ஆப்பரேஷனை மாற்று ஆபரேஷன் செய்ய முடியுமா என கதறும் தகப்பனை படிக்கும் போது “ விதியே விதியே என் செய்ய நினைத்தாய் எம் தமிழ்ச்சாதியை” என கண்கள் கலங்குகிறது.

”உன்னுடை பரம்பரை மாத்திரமல்ல ,எங்கடை தமிழ்ச்சமுதாயமே அழிஞ்சி போகாமால் இருக்க வேணும் என்றால் , இனி இங்கே ஒரு கருத்தடை ஆப்பரேஷன் கூட நடக்கக் கூடாது” என எண்ணிக்கொண்டேன் என முடிக்கிறார் அக்கட்டுரையை.

போரும்,அடக்குமுறையும் குதறிப்போட்ட உயிருக்கு உத்தரவாதமில்லாத ஒரு சமூகத்தில் குடும்பக்கட்டுப்பாடு ஆப்பரேஷன் அபத்தமாகத்தான் படுகிறது.இந்தக் கட்டுரையில் இது பல்வேறு பாத்திரங்கள் வாயிலாக விவாதம் நம்மை அடைகிறது.நல்ல உத்தி.

இன்னொரு கட்டுரையில் மண்ணெண்னைகடையில் கூட மருந்து விற்கிறார்கள் என்கிறார்.மருந்து வியாபாரிகளிடமிருந்து தமிழ் மக்களை காக்க க்டவுளாலும் முடியுமா என கேட்கிறார்.

இந்தக்கடுரைகள் 1986 -87 களில் எழிதப்பட்டு சஞ்சிகைகளில் பிரசுரிக்கப் பட்டவை, டொமெனிக்ஜீவா முகவுரை எழுதியுள்ளார்.மருத்துவத் துறை தாண்டிய ஒரு அற்புதப் படைப்பு இது.

இவரது வலைப்பூ

http://hainallama.blogspot.com/

http://www.facebook.com/groups/116330351731424/

http://www.facebook.com/Dr.M.K.Muruganandan

இது போல இன்ன பிற டாக்டர்களின் அனுபவப்பதிவுகள்

மரு.ஜா.மரியானோ அண்டோ புருனோ மஸ்கரனாஸ்

டாக்டர் சுரேஷ்

புத்தகம் டவுன்லோட் செய்ய

ஒரு டாக்டரின் டயரியிலிருந்து

டிசம்பர் 10 முதல் மகப்பேறு உதவித்திட்டம் ரூ12000

2011-12-05T20:13:00.001+05:30

டாக்டர் முத்துலட்சுமி மகப்பேறு நிதி உதவித்திட்டம் 10 டிசம்பர் 2012 முதல் அமல் படுத்தப்பட உள்ளதாக பத்திரிகை செய்தி வெளியிட்டுள்ளது.டிசம்பர் 2,3 தேதிகளில் சென்னையில் நல்வாழ்வுத்துறை அமைச்சர் டாக்டர் வி.எஸ்.விஜய் அவர்கள் தைலைமையில் நடந்த துணை இயக்குனர்கள் ஆய்வுக்கூட்டத்திற்கு பின் இச்செய்தி வெளியாகியுள்ளது.

எக்ஸ்ரே, அல்ட்ராசவுண்ட்,ஸ்கேன்,மற்றும் இரத்தப் பரிசோதணை உபகரணங்கள் பழுதானால் அதனை பழுது நீக்கம் செய்ய உதவும் வகையில் ஆன்லைன் மூலம் கண்காணிக்கும் மென்பொருள் குறுந்தகடை நல்வாழ்வுத்துறை அமைச்சர் டாக்டர் வி.எஸ்.விஜய் அவர்கள் வெளியிட்டுள்ளார்.

60 ஆரம்ப சுகாதார நிலையங்களில் புதிய பல்சிகிச்சை மையம்

2011-12-05T19:37:00.005+05:30

அறுபது ஆரம்ப சுகாதார நிலையங்களில் புதிய பல்சிகிச்சை மையம் ஜனவரி 2012 துவங்கப்படும் .வேலூர்,திருச்சி,கடலூர்,திருவண்ணாமலை,தஞ்சை உள்ளிட்ட பல மாவட்டங்களில் வட்டார ஆரம்ப சுகாதார நிலையங்களில் மேற்கண்ட மையம் துவக்கப் பட உள்ளது.05.12.2011 தினமலர் பத்திரிகையில் இயக்குனர் அவர்கள் கூறியதாக வெளியாகியுள்ள செய்தி.

படத்தின் மீது கிளிக் செய்து செய்தி முழுதும் படிக்கலாம்.

அரசுப்பணியிலிருந்து விலக படிவம்

2011-11-29T13:32:00.001+05:30

துறைப் பணியிலிருந்து மருத்துவர் ஒருவர் விலக வேண்டும் எனில் கிழ்கண்ட படிவத்தில் பூர்த்திசெய்யப்பட்ட மனுவினை உரிய வழிமுறையாக அரசுக்கு சமர்ப்பிக்க வேண்டும்.

Resignation Form

எக்ஸ்ரே படங்களை நோயாளிகளே பெற்றுக்கொள்ளலாம்

2011-11-28T20:37:00.001+05:30

அரசு மருத்துவமணைகள் மற்றும் மேம்படுத்தப்பட ஆரம்ப சுகாதார நிலயங்களில் செயல்படும் எக்ஸ்ரே பிரிவுகளில் நோயாளிகளுக்கு எடுக்கப்படும் எக்ஸ்ரே படங்களை மருத்துவ சிகிச்சைக்குப் பின் நோயாளிகள் பெற்றுக்கொள்ளலாம்.G.O.Ms.No.841 Health and FW dept., dt.16.11.1994 ன் படி பல் தொடர்பான எக்ஸ்ரேபடங்களுக்கு ரூ.5.00 இதர எக்ஸ்ரேக்களுக்கு ரூ.20.00 கொடுத்து பிலிம்களை பெற்றுச் செல்லலாம்.

xray

20 புதிய ஆரம்ப சுகாதார நிலையங்கள்

2011-11-27T19:34:00.002+05:30

முதல்வர் தமிழ்நாடு சட்டமன்றப் பேரவைவிதி எண்.110ன் கீழ் 10.09.2011 அன்று ஒரு அறிக்கை வாசித்தார்.அதன் படி தமிழகத்தில் 20 புதிய ஆரம்ப சுகாதார நிலையங்களை அமைக்க முதல்வர் உத்தரவிட்டுள்ளார்.
கிராமப்புற மக்களின் சுகாதாரத்தை மேம்படுத்தும் நோக்கில் 24 ஆரம்ப சுகாதார நிலையங்களை 30 படுக்கைகள் கொண்ட மருத்துவமனையாக தரம் உயர்த்தவும் அவர் உத்தரவிட்டுள்ளார்.

இதுதொடர்பாக அவர் சனிக்கிழமை 26.11.2011 அன்றுவெளியிட்ட அறிவிப்பு:

துவக்கப்பட உள்ள 20 புதிய ஆரம்ப சுகாதார நிலையங்கள்

திருச்சி மாவட்டத்தில் சமயபுரம்,

வேலூர் மாவட்டத்தில் கொணவட்டம், சுமைதாங்கி,

கிருஷ்ணகிரி அருகே உள்ள பேஜிபள்ளி,

கள்ளக்குறிச்சி சுகாதார மாவட்டம் திருநாவலூர் வட்டாரத்தில் சேந்தநாடு, சின்னசேலம் வட்டாரத்தில் அம்மாகளத்தூர்,

நாகப்பட்டினம் சுகாதார மாவட்டம் கொள்ளிடம் வட்டாரத்தில் மதிரவேலூர்,

திருப்பூர் சுகாதார மாவட்டம் பல்லடம் வட்டாரத்தில் புளியம்பட்டி,

பெரம்பலூர் சுகாதார மாவட்டம் பெரம்பலூர் வட்டாரத்தில் எளம்பலூர்,

ஈரோடு சுகாதார மாவட்டம் பெருந்துறை வட்டாரத்தில் காஞ்சிக்கோயில், நம்பியூர் வட்டாரத்தில் மலையம்பாளையம்,

திருப்பத்தூர் சுகாதார மாவட்டம் கந்திலி வட்டாரத்தில் கோரட்டி,

சங்கரன்கோவில் சுகாதார மாவட்டம் வாசுதேவநல்லூர் வட்டாரத்தில் தென்மலை,

திருவள்ளுர் சுகாதார மாவட்டம் திருவள்ளூர் வட்டாரத்தில் கல்யாணகுப்பம்,

பழனி சுகாதார மாவட்டம் வேடசந்தூர் வட்டாரத்தில் கனப்பாடி,

புதுக்கோட்டை சுகாதார மாவட்டம் அன்னவாசல் வட்டாரத்தில் ராப்பூசல்
,
கரூர் சுகாதார மாவட்டம் தாந்தோணி வட்டாரத்திலுள்ள வடக்குபாளையம் கே.பரமத்தி வட்டாரத்தில் தம்பிவாடி,

தஞ்சாவூர் சுகாதார மாவட்டம் ஒரத்தநாடு வட்டாரத்தில் ஒக்கநாடு கீழையூர்,

தூத்துக்குடி சுகாதார மாவட்டம் தூத்துக்குடி வட்டாரத்தில் லூர்தம்மாள்புரம்

ஆகிய 20 இடங்களில் புதிதாக ஆரம்ப சுகாதார நிலையங்கள் அமைக்கப்படும். இதற்கு ரூ.7.71 கோடி செலவாகும்.

தரம் உயர்த்தப்படும் ஆரம்ப சுகாதார நிலையங்கள்:

அறந்தாங்கி சுகாதார மாவட்டம் கரம்பகுடி வட்டாரம் மலையூர்,

செய்யார் சுகாதார மாவட்டம் அனுக்காவூர் வட்டாரம் அக்கூர்,

கோயம்புத்தூர் சுகாதார மாவட்டம் கிணத்துக்கடவு வட்டாரம்
நல்லாட்டிபாளையம்,

ஈரோடு சுகாதார மாவட்டம் டி.என்.பாளையம்,

கள்ளக்குறிச்சி சுகாதார மாவட்டம் ரிஷிவந்தியம்,

பழனி சுகாதார மாவட்டம் குஜிலியாம்பாறை,

பூந்தமல்லி, சைதாப்பேட்டை சுகாதார மாவட்டம் லத்தூர் வட்டாரம் பழஞ்சூர்,

சேலம் சுகாதார மாவட்டம் கொங்கணாபுரம், பனமரத்துப்பட்டி, தாரமங்கலம், பி.என்.பாளையம் வட்டாரம், ஆரியபாளையம்,

சிவகங்கை சுகாதார மாவட்டம் திருப்புவனம் வட்டாரம் பூவந்தி,

சிவகாசி சுகாதார மாவட்டம் வெம்பக்கோட்டை, கல்லமனைக்கான்பட்டி,

தஞ்சாவூர் சுகாதார மாவட்டம் பேராவூரணி வட்டாரம் செருவாவிடுதி, சேதுபாவாசத்திரம் வட்டாரம் அழகியநாயகிபுரம்,

திருவள்ளூர் சுகாதார மாவட்டம், புழல் வட்டாரம், நர்வாரிகுப்பம்,

வில்லிவாக்கம் வட்டாரம், போரூர், திருப்பத்தூர் சுகாதார மாவட்டம் கந்திலி வட்டாரம், குனிச்சி, காட்பாடி வட்டாரம், திருவலம்,

திருப்பூர் சுகாதார மாவட்டம் குடிமங்கலம்,

திருவண்ணாமலை சுகாதார மாவட்டம் புதுபாளையம் வட்டாரம், காரப்பட்டி,

உதகமண்டலம் சுகாதார மாவட்டம் கூடலூர் வட்டாரம், நெல்லக்கோட்டை,

விழுப்புரம் சுகாதார மாவட்டம் வல்லம் வட்டாரம், மேல்சிதாமூர்

என மொத்தம் 24 ஆரம்ப சுகாதார நிலையங்கள் 30 படுக்கை வசதி கொண்ட மருத்துவமனைகளாக தரம் உயர்த்தப்படும். இதற்கு ரூ.22.55 கோடி செலவாகும்.

டாக்டர் முத்துலட்சுமி ரெட்டி மகப்பேறு நிதி உதவித்திட்டம் புதிய ஆணை

2011-11-27T18:02:00.002+05:30

டாக்டர் முத்துலட்சுமி ரெட்டி மகப்பேறு நிதி உதவித்திட்டம் தொடர்பாக புதிய அரசு ஆணை G.O.(MS) No.276 H&FW dept dt.03.11.2011 வெளியிட்டுள்ளது .அரசு வலைத்தளத்தில் இவ்வாணை வெளியிடப்படவில்லை ஏனென்று தெரியவில்லை , எனவே,ஆரசு ஆணை ஸ்கேன் செய்யப்பட்டு இங்கு ஆவணப்படுத்தப்பட்டுள்ளது,இது முழுமையாக தமிழில் வெளியிட்டிருந்தால் பொதுமக்களுக்கும்,கிராம சுகாதார செவிலியர்,அங்கன்வாடி பணியாளர் ஆகியோருக்கு பயனுள்ளதாக இருந்திருக்கும்.
சிறப்பம்சங்கள்

உதவித்தொகை ரூ 6000 க்கு பதிலாக ரூ.12000
4000 வீதம் மூறு தவணைகளில்
ஆன் லைன் PICME பதிவு அவசியம்
முதல் 4000 ஆன் லைன் பதிவின் அடிப்படையில்
அரசு மருத்துவமணை , ஆரம்ப சுகாதார நிலையம்,இங்கெல்லாம் பிரசவம் நடை பெற்றிருந்தால் மட்டும் வழங்கப்படும்
தனியார் மருத்துவ மணை பிரசவங்களுக்கு கிடையாது
01.06.2011 லிருந்து நடக்கும் பிரசவங்களுக்கு மட்டும் பொருந்தும்.

நேரடியாக கூகிளிலிருந்து டவுன்லோடு செய்ய இங்கே செல்லவும்

https://docs.google.com/document/d/1BK5r7UiC9mV4-O6O7DLwcZI9BDH70-0p2Vdx63pxwNg/edit

Drmrmbs Go

உலக நீரழிவுநோய் தினம்

2011-11-27T16:02:00.006+05:30

world diabetes day November 14

Charles Herbert Best Best circa 1924
Born	February 27, 1899 West Pembroke, Washington County,Maine
Died	March 31, 1978 (aged 79) Toronto, Ontario
Known for	Co-discoverer of insulin
Notable awards	Order of Canada Order of the British Empire Order of the Comp

Sir Frederick Grant Banting KBE MC FRS FRSC

Born	November 14, 1891 Alliston, Ontario, Canada
Died	February 21, 1941 (aged 49) Dominion of Newfoundland, now part ofNewfoundland and Labrador, Canada
Nationality	Canadian
Alma mater	University of Toronto
Known for	Discovery of insulin
Notable awards	Nobel Prize in Physiology or Medicine(1923)
Signature

உலகம் முழுவதிலும் உள்ள மக்களுக்கு சர்ர்க்கரை நோய் பற்றிய விழிப்புணர்வு உண்டுபண்ணுவதற்காக சர்க்கரை நோய் தினம் அனுசரிக்கப்படுகிறது.
இது ஒவ்வொரு ஆண்டும், நவம்பர் 14 , ல் சர்க்கரை நோய் பற்றிய விழிப்புணர்வு பரவலாக உலகம் முழுவதும் நடத்தப்படுகிறது.
இப்படி ஒரு கருத்தை விதைத்தவர்கள் சர்வதேச சர்க்கரை நோய் அமைப்பும்(International Diabetes Federation) & உலக நல நிறுவனமும்(World Health Organization) தான்.
இந்த தினம் 1991 லிருந்து உலக மக்களிடையே, அவர்களின் பழக்க வழக்கங்கள் மூலம் நாம் பயப்படக் கூடிய அளவில் உயர்ந்து கொண்டிருக்கும் சர்க்கரை நோய் விகிதத்தை கட்டுப் படுத்தவே அனுசரிக்க வேண்டும் என அறிவிக்கப்பட்டது. இந்த அமைப்புகள் ஒவ்வொரு ஆண்டும், இதற்காக ஒரு புது கருத்து உள்ளே நுழைத்து,உலக சர்க்கரை நோயாளிகளிடம் ஓர் அறைகூவல் விடுக்கின்றன; கொண்டாடுகின்றன. அப்படி ஒரு விழிப்புணர்வு கருத்துக்கள் மக்களிடையே, ஆண்டு முழுவதும் விதைக்கப் பட்டாலும், நவம்பர் 14 ம் நாள் முக்கியத்துவம் வாய்ந்ததாகக் கருதப்படுகிறது.

அன்றுதான், சர்க்கரையைக் கட்டுபடுத்தும் ஹார்மோனாகிய இன்சுலினைக் கண்டுபிடித்த விஞ்ஞானி ஒருவர் பிறந்தார்.

பாண்டிங்(Frederick Banting) மற்றும் சார்லஸ் பெஸ்ட்(Charles Best) என்ற இரு விஞ்ஞானிகளும் 1922 ல் இண்சுலின் கண்டுபிடித்தனர். இவர்களுள் பிரடெரிக் பாண்டிங் கின் பிறந்த தினம்தான்,நவம்பர் 14 . அதனால் நவம்பர் 14 லே, உலக சர்க்கரை தினமாக அனுசரிக்கப்படுகிறது.

2009 -2013 என 5 ஆண்டுகள் முழுமைக்கும் சர்க்கரை நோய்க்கான கல்வி மற்றும் தடுப்பு நடவடிக்கை என்ற தலைப்பில் விழிப்புணர்வு தர திட்டம். 2000 ம் ஆண்டு தகவல் படி, சர்க்கரை நோய் அதிகம் உள்ள உலகின் முதல் 5 நாடுகள். இந்தியா: 4 .09 கோடி, சீனா: 3 .69 கோடி, அமெரிக்கா: 1 .92 கோடி ரஷ்யா::௦.0.96 கோடி, ஜெர்மனி:0.74 கோடி. இதில் முன்னிலையில் நிற்பது நாமதாங்க..!

உலக சர்க்கரை நோய் தின குறியீடு/அடையாளம்/முத்திரை என்பது “நீல வட்டமே.” இந்தகுறியீடு 2007 ல் சர்வ தேச உலக சர்க்கரை நோய் தின உறுதி மொழியுடன் எடுத்துக்கொள்ளப்பட்டது. நீல வட்டம், நாகரிகம் கடந்த வாழ்க்கை மற்றும் உடல்நலத்தைக் குறிக்கிறது. நீல வண்ணம் வானைப் பிரதிபலிக்கிறது. அனைத்து நாடுகளுக்கும் வானமே எல்லை. நீல வட்டமும், உலக சர்க்கரை நோயாளிகள் சமூகத்தை ஒரு வட்டத்துக்குள் இணைக்கிறது.

உலக நீரழிவுநோய் தின கருத்தரங்கு மற்றும் பரிசோதனை முகாம் மரு.சிராஜீதீன் அவர்கள் தலைமையில் குளித்தலை ஒன்றியம் வலையப்பட்டி ஆரம்ப சுகாதார நிலையம் சார்பில் 18.11.2011 அன்று ஆதிநத்தம் கிராம பள்ளியில் நடைபெற்றது .சில புகைப்படங்கள் கீழே.

நன்றி:
http://en.wikipedia.org/wiki/Charles_Herbert_Best
http://www.who.int/mediacentre/events/annual/world_diabetes_day/en/
thiruppathyraja.com
http://www.facebook.com/media/set/?set=oa.185549741535813&type=1

துணை சுகாதார நிலைய தடுப்பூசிப் பணிகள்

2011-11-27T08:14:00.002+05:30

தடுப்பூசிப் பணிகள் மீண்டும் துணை சுகாதார நிலையத்திலேயே நடைபெறுவது தொடர்பான துறையின் கடிதம் R.No.13265/Immn/S3/2011 dt.21.10.2011 ல் என்ன சொல்லப்பட்டிருக்கிறது.

புதன்கிழமைகளில் துணை சுகாதார நிலையங்களில் 1-11-2011 முதல் தடுப்பூசிப் பணிகள் நடைபெறுவதை கால தாமதம் செய்யக் கூடாது.
புதன் கிழமைகளில் குழந்தைகள் ஆரம்ப சுகாதார நிலையத்திற்கு வந்தால் அவர்களுக்கும் தடுப்பூசி போடவேண்டும்.(துணை சுகாதார நிலையத்தில் தான் போடவேண்டும் என திருப்பி அனுப்பக்கூடாது)
புதன் கிழமை விடுமுறை தினமாக அமைந்து விட்டால் வரும் வெள்ளிக்கிழமை இப் பணிகளை மேற்கொள்ள வேண்டும்
ஒரு வாரம் கூட துணை சுகாதார நிலையங்களில் தடுப்பூசிப் பணிகள் நடைபெறாமல் இருக்கக் கூடாது.
பி-கு( இதுவரை R.No.13265/Immn/S3/2011 dt.17.02.2011 DPH&PM Chennai in படி தடுப்பூசிப்பணிநாட்கள் விடுமுறை தினமாக இருந்தாலும் தடுப்பூசிப்பணி நடைபெறவேண்டும் என இருந்தது, இந்த கடிதம் மூலம் மாற்றாக அந்த வாரவெள்ளிக் கிழமையன்று தடுப்பபூசிப்பணி மேற்கொள்ளலாம் என தெரிவிக்கப் பட்டுள்ளது.

மீண்டும் தடுப்பூசிப்பணிகள் துணைசுகாதார நிலயத்திலேயே

2011-11-10T22:38:00.006+05:30

மீண்டும் தடுப்பூசிப்பணிகள் துணைசுகாதார நிலயத்திலேயே இந்த மாதம் (நவம்பர்2011) முதல் செயல் படுத்த உத்தரவிடப்படடுள்ளது.இது தொடர்பாக கிராம சுகாதார செவிலியர் கடைபிடிக்கவேண்டியவைகள் பற்றிய துறையின் குறிப்புகளை அடுத்த பதிவில் இடுகிறேன்.ஆரம்ப சுகாதார நிலையத்திலிருந்து மீண்டும் துணை சுகாதார நிலையத்திற்கே இப்பணிகள் செல்கிறது.துணை சுகாதார நிலையங்களில் தடுப்புசி பணிகளில்(திருவள்ளூர் மாவட்டம்) சில அசம்பாவிதங்கள் ஏற்பட்டதனால் (2008) லிருந்து மருத்துவர்களின் மேற்பார்வையில் ஆரம்ப சுகாதார நிலையத்தில் இப்பணிகள் நடந்து வந்தது.அதற்கு முன் வரை துணை சுகாதார நிலையத்திலேயே இப்பணி நடந்தது.இவ்வாறு மாற்றம் ஏற்பட்ட போதும் 14.11.2008 ல் ”தடுப்பூசி பெரிய சவால்” என்ற பதிவு இடப்பட்டது.விரிவான விவாதமும் டாக்டர்SUREஷ் மற்றும் டாக்டர் புருனோ Bruno ஆகியோரால் முன்வைக்கப்பட்டது.இம் மாற்றம் ஆவணப்படுத்தும் நோக்கில் இங்கு பதிவு செய்யப்படுகிறது.

இப்போது மீண்டும் துணை சுகாதார நிலையத்திற்கே இப்பணி ஏன் செல்கிறது?
கீழ்கண்டவாறு தினமலர செய்திவெளியிட்டுள்ளது.
http://www.dinamalar.com/district_detail.asp?id=341658
”கிராம மக்கள், அதிக தூரத்தில் உள்ள, ஆரம்ப சுகாதார நிலையங்களுக்கு சென்று, குழந்தைகளுக்கு தடுப்பூசி போட ஆர்வம் காட்டவில்லை. இதனால், குழந்தைகளுக்கு தடுப்பூசி போடுவது குறைந்தது.எனவே, குழந்தைகள் நலன் கருதி, துணை சுகாதார நிலையங்களில், குழந்தைகளுக்கு தடுப்பூசி போடும் பணியை துவக்க வேண்டும் என, கோரிக்கை எழுந்தது. அதன் பேரில், மீண்டும், அனைத்து துணை சுகாதார நிலையங்களில், குழந்தைகளுக்கு தடுப்பூசி போட, அரசு அனுமதி அளித்துள்ளது.”
”தடுப்பூசிகள் ஆபத்தானவையா” என்ற இப்பதிவும் படிக்க வேண்டியது.

ஹிந்து நாளிதழில் எமது வலைப்பூ பற்றிய செய்தி.

2011-11-10T12:53:00.004+05:30

10.11.2011 The Hindu வில் எமது வலைப்பூ பற்றிய கட்டுரை வெளிவந்துள்ளது.நான்கு வருடங்களாக தொடர் பதிவுகள் செய்தமைக்கு அங்கீகாரம் கிடைத்தது போல் உண்ர்கிறேன்.

http://www.thehindu.com/todays-paper/tp-national/tp-tamilnadu/article2613489.ece

சான்றொப்பம் Attestation

2011-11-07T17:50:00.000+05:30

சான்றொப்பம் இடக்கூடிய அலுவலர்கள் ( attestation ) யார்?
அரசு ஆணை எண் 189 P&A R (s) Dept dt. 18.07.2007 ல் அரசு இதனை தெளிவு படுத்தியுள்ளது.
யார் சான்றொப்பம் இடலாம்

2012 அரசு விடுமுறை தினங்கள்

2011-11-07T12:06:00.000+05:30

2012 அரசு விடுமுறை தினங்கள்

பச்சை மையினால் யார் எழுதலாம்? யார் கையொப்பம் இடலாம்?

2011-11-07T11:48:00.003+05:30

அரசு அலுவலகங்களில் பச்சை மை பயன்படுத்துவது தொடர்பான அரசு ஆணை,பச்சை மைகொண்டு யார் எழுதலாம் யார் கையொப்பம் இடலாம் என இதில் தெளிவாக விளக்கப் பட்டுள்ளது.

இதன்படி

அரசு அலுவலகங்களில் நிலைத்த நீலம், கருப்பு,சிவப்பு ஆகிய மை யினால் மட்டுமே அரசு ஆவணங்களில் எழுத,கையெழுத்திட வேண்டும் ,

மற்ற நிற மையினால் எழுதுவது தடைசெய்யப்பட்டுள்ளது.

. சான்றொப்பம் (Attestation) இட அனுமதிக்கப்பட்ட அலுவலர்கள் மட்டும் (A Grade and B Grade)( கிரெடு பே 4400 லிருந்து பெறுபவர்கள்) சான்றொப்பம் இட மட்டும் பச்சை வண்ண மை பயன்படுத்தலாம்.(பி.கு: கண்காணிப்பாளர் (Superintendent) கிரேடு பே 4800,செவிலியர் (Staff Nurse) கிரேடு பே 4450 இவர்களும் சான்றொப்பம் இடலாம்)

A கிரேடு அலுவலர்கள் (கிரேடு பே 6600 க்கு மேல் பெறுபவர்கள்) மட்டும் அரசு கோப்புகளில் சிறு குறிப்பு எழுத மட்டும் பச்சை வண்ண மையினை பயன்படுத்தலாம்.( யார் A grade அலுவலர்கள்? இதனை தெரிந்து கொள்ள இங்கு செல்லவும்.)

இதிலிருந்து தெரிய வருவது சான்றொப்பம் (Attestation) தவிர ஏனைய கையெழுத்துக்களை யாரும் பச்சை மைகொண்டு எழுதக் கூடாது.

பட்டியல்களில்,கடிதங்களில்,பதிவேடுகளில், பச்சை மை கொண்டு அரசு அலுவலர்கள் கையொப்பம் இடுவது விதிகளுக்கு முரணானது.

http://www.scribd.com/fullscreen/71883531?access_key=key-21a52msc721yrkn9b3po

சான்றொப்பத்திற்கு பச்ச்சை மை

Dr. Muthulakshmi Reddy Maternity Benefit Scheme Scheme details

2011-09-29T23:11:00.003+05:30

டாக்டர் முத்துலட்சுமி ரெட்டி மகப்பேறு நிதி உதவித்திட்டம் அமல்படுத்துவது தொடர்பாக கீழ்கண்ட குறிப்புகள் செய்யாறு மாவட்ட உதவி இயக்குனர் (புள்ளியியல்) திரு.பாஸ்கர் அவர்கள் அவர்களது வலைத்தளத்தில் வெளியிட்டுள்ளார்.இது அரசு கடிதமா எனத் தெரியவில்லை.ஆரம்ப நிலையில் ஒரு புரிதலுக்குப் பயன்படும்.

Dr. Muthulakshmi Reddy Maternity Benefit Scheme Scheme details

மருத்துவத் தேர்வாணைய வாரியம்

2011-09-26T20:33:00.002+05:30

மற்ற துறைகளைப் போல், சுகாதாரத் துறைக்கும் தமிழ்நாடு அரசு பணியாளர் தேர்வாணையம் தான் இது நாள் வரை தேர்வு நடத்தி, டாக்டர்களையும் இதர மருத்துவத் துறை ஊழியர்களையும் தேர்வு செய்து வந்தது.ஆனால், கடும் பணிச் சுமை காரணமாக தமிழ்நாடு அரசு பணியாளர் தேர்வாணையம் மூலம் டாக்டர்களையும், மருத்துவ ஊழியர்களையும் தேர்வு செய்வதற்கு மிகவும் காலதாமதமானது. உதாரணமாக, இளநிலை உதவியாளர் பணிக்கு, 200 இடங்களுக்கு, 20 லட்சம் பேர் விண்ணப்பிப்பதால்,விண்ணப்பங்களைப் பரிசீலித்து, தேர்வு நடத்தி, பணி நியமனம் செய்வதற்கு குறைந்தது இரண்டாண்டுகள் ஆகிவிடுகிறது. இதுபோன்று, பல்வேறு துறை பணியிடங்களுக்கும் தமிழ்நாடு பணியாளர் தேர்வாணையம் தேர்வு செய்வதால், காலியாக மற்றும் புதிதாக உருவாக்கப்பட்ட பணியிடத்தை நிரப்ப நீண்ட காலம் ஆகிறது. ஆனால், மருத்துவச் சேவை, அவசர, அத்தியாவசிய சேவை என்பதால், ஆள் பற்றாக்குறை மிகவும் பாதிப்பை ஏற்படுத்தியது. இந்த நிலையில் தான், மருத்துவப் பணியாளர்களை தேர்வு செய்ய தனி தேர்வாணையம் அமைக்கப்பட்டுள்ளது. புதிய தேர்வாணையம் மூலம் தற்போது காலியாக உள்ள 15 ஆயிரத்து 689 இடங்களை நிரப்புவதோடு,அதிகரித்து வரும் நோயாளிகளின் எண்ணிக்கையை கருத்தில் கொண்டு, கூடுதல் டாக்டர்களையும்,மருத்துவப் பணியாளர்களையும்,அமைச்சுப்பணியாளர்களும், தேர்வு செய்து நியமிக்க வேண்டும்.

மொத்த வட்டார ஆரம்ப சுகாதார நிலையங்கள் 385. துணை ஆரம்ப சுகாதார நிலையங்களையும் சேர்த்தால் மொத்தம் 1589 ஆரம்ப சுகாதார நிலையங்கள்.ஆனால் ஒரு வட்டாரத்திற்கு மூன்று அமைச்சுப் பணியாளர் என்கிற கணக்கில் தற்போது 1155 அமைச்சுப் பணியிடங்கள் மட்டுமே ஒப்பளிப்பில் உள்ளது.இது சேங்ஷன் நிலை மட்டுமே.பொசிஷன் வேறுபடும்.தற்போது புதிதாக துவக்கப்பட்டுள்ள 110 கூடுதல் ஆரம்ப சுகாதார நிலையங்களுக்கு 110 இளநிலை உதவியாளர் பணியிடம் ஒப்பளிக்கப் பட்டு தர்காலிக இளநிலை உதவியாளரகளைக் கொண்டு அப்பணியிடங்கள் நிரப்பப் பட்டுள்ளன ஆக மொத்தம் 1155+110=1265 பணியிடங்கள் மட்டுமே உள்ளது.1589-1265=324 பணியிடம் ஒப்பளிக்கப் படவேண்டியுள்ளது.2000 ம் ஆண்டு வட்டார ஆரம்ப சுகாதார நிலைய நிர்வாக நிமாணிப்பு செய்யப் படும் போது ஒவ்வொரு ஆரம்ப சுகாதார நிலையத்திற்கும் ஒரு அமைச்சுப் பணியாளர் பணியிடம் இருந்தது.ஆனால் இன்றைய நிலைமை 1589 ஆரமப சுகாதார நிலையங்களுக்கு 1265 பணியிடமே உள்ளது.2000 ஆம் ஆண்டிற்குப் பிறகு துறையில் ஏற்பட்ட மாற்றங்கள் வளர்ச்சிகள் இவைகள் அபாரமானது.ஆரம்ப சுகாதார நிலையப் பணியாலர்களின் ஊதியம் மற்றைய பணப் பயன்கள் பெற்றுதருவது என்கிற நிலைக்கே ஒரு கண்காணிப்பளர்,உதவியாளர்,இளநிலை உதவியாளர் பனியிடம் வழங்கப்பட்டது.இன்றைய நிலை என்ன?

1.NRHM

2.JSY

3.DR.MUTHULAKSHMI REDDY MET.BEN.SCHEME

4.UPGRADED PHC

இவைகளே ஆரம்ப சுகாதார நிலையத்தின் பெரும்பான்மையான பொழுதுகளை விழுங்குகின்றன.பல இலச்சக்கணக்கான பணப்புழக்கம் ஏற்பட்டுள்ளது.ஆன் லைன் ரிப்போர்ட்,டபுள் எண்டிரி சிஸ்டம், டேலி,என் பல புதிய வடிவ அறிக்கை பணிகள் கூடுதலாக உள்ளது.இதனை கருத்தில் கொண்டு போடப்பட வேண்டிய 324 பணியிடங்களை நிர்வாக அலுவலர் பணியிடங்களாக ஒப்பளித்து அனைத்து வட்டார ஆரம்ப சுகாதார் நிலைய்த்திற்கும் ஒரு நிர்வாக அலுவலர் பணியிடம் தோற்றுவித்தல் அவசியம்.

ஒரு கதை கேளுங்கள்.

2011-09-22T19:11:00.001+05:30

ஒரு அரசு ஊழியர் தனது குழந்தைகள் சிறு வயதாக இருக்கும் போது அகால மரணமடந்துவிட்டார்.அவர் பணிபுரிந்த அலுவலகம் பொது சுகாதாரத்துறையைச் சேர்ந்த சிதம்பரம் யானைக்கால் நோய்தடுப்பு திட்ட அலுவலகம்.பணி - உதவியாளர் ( அமைச்சுப்பணி).பெயர் உத்திராபதி.இறந்தவருடம் 1992. பணிக்காலத்தில் சிறந்த முறையில் பணியாற்றி ஊழியர்களிடமும் அதிகாரிகளிடமும் நற்பெயர் எடுத்தவர்.காலத்தின் கோலம் அவரது குடும்பத்தை நிர்கதியாக்கியது.சபரிமலை சென்று வரும்போது மாரடைப்பால் கால்மானார்.குழந்தைகள் 3.மூவரும் பெண்கள்.அவர் இறந்த போது அவர்களுக்கு வயது முறையே 24,10,8.என்ன செய்வாள் அந்த தாய்?.முதல் பெண் திருமணம் ஆணவள்.இரண்டாம் பெண்னோ 6ம் வகுப்பு படித்து வருகிறாள்.மூன்றாவது பெண் 4ம் வகுப்பு படித்து வருகிறாள்.1999ல் தான் இரண்டாவது பெண் 10ம் வகுப்பு முடிக்கிறாள்.அதுவரை தட்டு தடுமாறி குடும்பத்தினை நடத்திய அந்ததாய் 1999 ல் அரசுக்கு மனு சமர்ப்பிக்கிறார்.எனது மகள் தற்போது உரிய கல்வித்தகுதி முடித்துள்ளார்,அவருக்கு இளநிலை உதவியாளர் பணி நியமனம் வழங்கும் படி கேட்கிறார்.துறை கோப்பினை 2003 வரை பரிசீலித்தது? அதன் பிறகு மனு திருப்பப்படுகிறது.காரணம்-’கருணை அடிப்படையில் வேலை வழங்க அரசு தடை விதித்துள்ளது” -என்பதுதான்.2006 ல் அந்தத் தடையினை அரசு நீக்கியது.மீண்டும் அந்தத்தாய் மனு சமர்ப்பிக்கிறார்.இந்த மனுவை பரிசீலனை செய்த? துறை, ஊழியர் இறந்து 3 வருடங்களுக்குள் கருணை வேலை கேட்டு மனு கொடுக்க வேண்டும்,ஆனால் , நீங்கள் 7 ஆண்டுகளுக்குப் பிறகு மனு கொடுத்துள்ளதால் உங்களது மனு நிராகரிக்கப் படுகிறது என உத்தரவிட்டது.
என்ன செய்வாள் அந்தத்தாய்?.கணவன் இறந்து 14 வருடங்கள் வனவாசம் வாழ்ந்தாகிவிட்டது.இன்னும் நீதி கிடைத்த பாடில்லை? நீதி மன்றத்தினை நாடினாள்.

இந்த வழக்கை விசாரித்த நீதிபதி தனபாலன் வரலாற்றுச் சிறப்பு மிக்கதொரு தீர்ப்பினை வழங்கியுள்ளார்.

தீர்ப்பின் சாராம்சம்.

1.ஒரு குடும்பத் தலைவர் இறந்தவுடன் அந்த குடும்பத்தினர் வாழ்வாதாரத்துக்காக கருணை வேலை கேட்கின்றனர்.அப்படிப்பட்ட சூழ்நிலையில் மனுதாரர் கொடுத்த மனு தொடர்பாக அரசு உயர் அதிகாரிகள் நடந்து கொண்ட விதம் சரியானது கிடையாது.

2.இது போன்ற நிகழ்வுகளில் அதிகாரிகள் மனுவினை கருணையுடன் பரிசீலிக்க வேண்டும்.

3.ம்னு தாரருக்கு கருணை வேலை வழங்க முடியாது என்று அரசு மறுக்க முடியாது.

4.அரசு உத்தரவு ரத்து செய்யப்படுகிறது.

5.மனுதாரரின் தகுதிக்கேற்ப 2 மாதங்களுக்குள் வேலை வழங்க பொது சுகாதாரத்துறை இயக்குனருக்கு உத்தரவிடப் படுகிறது.

அந்தத்தாயின் உள்ளம் எவ்வளவு மகிழும்.
சமீப காலமாக நீதிமன்றம் சென்றுதான் நீதியை பெறவேண்டும் என்கிற நிலை உள்ளது.இது மாற வேண்டும்.அதிகாரிகள் எந்த கோப்பிலும் நேரடியாக முடிவெடுப்பதில்லை.
அமைச்சுப்பணியாளர்களின் நேர்மையான ,மனசாட்சியுடனான ,நடவடிக்கைகளால் அதிகாரிகளை நல்லது செய்விக்க முடியும்.மனம் இருந்தால் மார்க்கமுண்டு.

(PICME) PREGNANCY AND INFANT COHORT MONITORING ENTRY

2011-09-22T18:33:00.001+05:30

(PICME) PREGNANCY AND INFANT COHORT MONITORING ENTRY REVIEW COMDUCTED BY DEPUTY DIRECTOR OF HEALTH SERVICES AND FAMILYWELFARE AT THOGAMALAI PRIMARY HEALTH CENTER ON 15.09.2011

FSO postings

2011-09-22T14:12:00.000+05:30

Food safety officers posted at urban areas
R.No.80849/FSSA/2011/S2 dt.20.09.211 of the Commissioner of food safety Officer Chennai 6

Rural areas
R.No.80849/FSSA/2011/S2 dt.20.09.211 of the Commissioner of food safety Officer Chennai 6

R.No.80849/FSSA/2011/S2 dt.20.09.211 of the Commissioner of food safety Officer Chennai 6

FOOD SAFETY AND STANDARDS ACT

2011-09-21T22:22:00.003+05:30

நன்றி:http://foodsafetynews.wordpress.com/

உணவுபாதுகாப்பு மற்றும் தர சட்டம், விதிகள் ,துணைவிதிகள் அடங்கிய புத்தகத்தை வாங்க கீழ்கண்ட முகவரியில் தொடர்பு கொள்ளலாம்
விலைRs600+70=670 ஆகும்

FOOD SAFETY AND STANDARDS ACT, RULES AND REGULATIONS
Containing:
• The Food and Safety Standards Act, 2006 • The Food Safety and Standards Rules, 2011 • The Food Safety and Standards (Licensing and Registration of Food Businesses) Regulations, 2011 • The Food Safety and Standards (Packaging and Labelling) Regulations, 2011 • The Food Safety and Standards (Prohibition and Restrictions on Sales) Regulations, 2011 • The Food Safety and Standards (Contaminants, Toxins and Residues) Regulations, 2011 • The Food Safety and Standards (Laboratory and Sample Analysis) Regulations, 2011 • The Food Safety and Standards (Food Products Standards and Food Additives) Regulations, 2011
Rs. 600 Postage & forwarding Rs. 70 extra
Supply by Registered Post on receipt of full amount by DD/AT PAR Cheque payable at New Delhi in favour of AKalank Publications or by VPP
AKALANK PUBLICATIONS
3622 MORI GATE
DELHI-110006
Ph. 011-23915064, 9312715064 Toll free 1800115064
email info@akalank.com

அல்லது கீழ்கண்ட புத்தக விற்பனை வலைதளத்தில் online booking முறையில் வாங்கி கொள்ளலாம். புத்தகம் கூரியர் முலம் அனுப்பப்படும். புத்தகத்தை பெற்று கொண்டு பணம் செலுத்தலாம். விலை Rs540/ only.

டவுன் லோடு செய்ய கீழே லிங்க்.

DOWNLOAD FSSA ACT,RULES & REGULATION CLICK THE BELOW LINKS

FOOD SAFETY AND STANDARD ACT-2006

FOOD SAFETY AND STANDARDS RULES-2011

Food safety and standards (contaminants, toxins and residues)regulation, 2011

Food safety and standards (Food product standards and Food Additives) regulation, 2011

Food Safety and Standards (Laboratory and sampling analysis) regulation, 2011

Food safety and Standards (Licensing and Registration of Food businesses) regulation, 2011

Food Safety and standards (Packaging and Labeling) regulation, 2011

Food safety and standards (Prohibition and Restriction on sales) regulation, 2011

DRAFT NOTIFICATION:

Draft Regulations on Food Recall Procedure (Dated: 04-05-2011)

Draft Outline of Food Safety and Standards (Food Import) Regulations, 2011 (Dated: 07-07-2011)

2011-12 கொள்கை விளக்கக் குறிப்பு

2011-09-16T22:33:00.001+05:30

2011-12 மக்கள் நல்வாழ்வுத் துறையின் கொள்கை விளக்கக் குறிப்பு

Health Family Welfare t

நேரடி டவுண்லோடுக்கு இங்கே கிளிக்கவும்
https://docs.google.com/document/d/1wWo7Qfl9RAu8pX4XBXRtRpVflzOX2TjR2i-vLjoLfkQ/edit?hl=en_US

புதிய மருத்துவர்கள்

2011-09-09T21:08:00.005+05:30

செப்டம்பர் 6,7,8 ஆகிய தேதிகளில் உதவி மருத்துவர்களுக்கான 10 a(1) நேர்காணல் சென்னையில் நடந்துள்ளது.காலியாக உள்ள மருத்துவர் பணியிடங்கள் நிரப்பப்பட உள்ளன.மேற்படிப்பிற்கு செனறாதனால் ஏற்பட்ட காலியிடங்கள் நிரப்பப்பட்டுவிடும்.புதியவர்களை வரவேற்போம்.ஆரம்ப சுகாதார நிலையங்களில் பணிபுரிய இருக்கும் மருத்துவர்களுக்கான சில டிப்ஸ்.

அவ்வையாரின் ஆத்திச்சூடியிலிருந்து.

1.உடையது விளம்பேல்
2.ஓதுவது ஒழியேல்
3.ஙப்போல் வளை
4.இணக்கம் அறிந்து இணங்கு
உரை: ஒருவரோடு நட்புக் கொள்ளுமுன் அவரைப் பற்றிய செய்திகளை ஆராய்ந்துஅறிந்து ( அவர் நற்குணத்தவர் என்றால் மாத்திரமே) அவரோடு நட்பும் தொடர்பும் கொள்க.
5.இயல்பலாதன செய்யேல்
உரை:இயற்கையோடு ஒத்திராத (வழக்கத்திற்கு விரோதமான) செயல்களை ஒரு போதும் செய்யற்க
6.அழகலாதன செயேல்
7.கேள்வி முயல்
8.சுளிக்கச் சொல்லேல்
9.சேரிடம் அறிந்து சேர்
10.தூக்கி வினை செய்
11.தோற்பன தொடரேல்.
12.நொய்ய உரையேல்
13.பெரியாரைத் துணைக்கொள்
உரை: நாம் தவறு செய்யுங்கால் இடித்துக் கூறித் திருத்தும் பண்புடைய பெரியோர்களைத் துணையாகக் கொள்ள வேண்டும்.
14.மாற்றானுக்கு இடங்கொடேல்.
15.முனைமுகத்து நில்லேல்
16.மைவிழியார் மனையகல் ( ஆண்களுக்கு மட்டும்)
17வல்லமை பேசேல்
18ஒன்னாரைத் தேறேல்

மேலும் சில டிப்ஸ் க்கு இங்கே சொடுக்கவும்.

முறையான மருத்துவ சிகிச்சைக்கான வழிகாட்டி நூல்

2011-09-07T22:30:00.000+05:30

நன்றி: http://tamilnadu-stg.com/ தளத்திலிருந்து பெறப்பட்ட செய்தி.

தமிழக அரசின் சுகாதார மற்றும் குடும்பநலத்துறையின் தமிழ்நாடு

சுகாதார திட்டம்

முறையான மருத்துவ சிகிச்சைக்கான வழிகாட்டி நூல்

முகப்பு பக்கத்திற்கு

உங்களை கனிவுடன் வரவேற்கிறோம்

முழு புத்தகத்தையும் மென்நூலாக பெற இங்கு சுட்டவும்

கடவுளை நேரில் பார்த்தால் என்ன கேட்பீர்கள்?

2011-08-27T09:29:00.002+05:30

31.08.11 ஆனந்தவிகடனின் இணைப்பிதழான என்விகடன் ( திருச்சி,தஞ்சை,கரூர் பதிப்பு) இதழில் ஒரு கேள்வி பலரிடம் கேட்கப்பட்டு அதற்கான பதில் பெறப்பட்டு பிரசுரமாகியுள்ளது.

( படத்தை கிளிக் செய்து செய்தியை படியுங்கள்)

கேள்வி:கடவுளை நேரில் பார்த்தால் என்ன கேட்பீர்கள்?
பதில் :( மலர்ச்செல்வி ஆசிரியை கும்பகோணம்)
“சமீபத்தில் எங்க பள்ளிகூடத்துக்கு பார்வைப் பரிசோதனைக்கு வந்த மருத்துவர்கள் எல்லாம் ரொம்ப அர்ப்பணிப்பா வேலை பார்த்தாங்க.எங்களைப்போல ஆசிரியர்களுக்கும் பிள்ளைங்க கிட்ட உள்ள பார்வை குறைபாடுகளை எப்படி கண்டுபிடிக்கறதுன்னு சொல்லித்தந்தாங்க.அதனால் நிறைய பசங்களோட பிரச்சனைகளைக் கண்டுபிடிச்சு பெற்றோர்கிட்ட தெரியப்படுத்தினோம்.இந்த மாதிரியே எல்லா மருத்துவர்களும் இருந்தா நம்ம நாடு எவ்வளவு சுகாதாரமா இருக்கும்கிற எண்ணத்தை அவங்க உருவாக்கிட்டாங்க.மருத்துவத்தைத் தொழிலாகப் பார்க்காமல் சேவையாகப் பார்க்குற மனசு உள்ள நிறையபேர் மருத்துவத்துறைக்கு வரணும்னு கடவுள் கிட்ட நான் கேட்பேன்”
இது பொதுசுகாதாரத்துறையின் சாதனை என்றே சொல்லவேண்டும்.மனமாற வாழ்த்திய ஆசிரியைக்கும் மனங்குளிர பணியாற்றிய கும்பகோணம் கண்மருத்துவ உதவியாளர்கள் மற்றும் மருத்துவர்களுக்கும் வாழ்த்துக்கள்

மலைப்பகுதிகளில் உள்ள ஆரம்ப சுகாதார நிலையங்கள்

2011-08-22T23:00:00.001+05:30

மலைப்பகுதிகளில் உள்ள ஆரம்ப சுகாதார நிலையங்கள்

என்ன உலகமடாசாமி.

2011-08-13T22:55:00.001+05:30

http://tamilnadu-stg.com/healthmail/

மேலே கண்ட லிங்ல் எனது எல்லா பதிவுகளும் ஸ்டோர்செய்யப்பட்டுள்ளது.எனது அனுமதிவாங்கப்படவில்லை.மேலும் இப் பதிவுகளுக்கான லிங்க் ம் கொடுக்கப்படவில்லை.
என்ன உலகமடாசாமி.

சுகாதார ஆய்வாளர்கள் கிரேடு-1 "பி' HI.Gr.1b

2011-08-13T07:21:00.003+05:30

சென்னை : கோர்ட் அவமதிப்பு வழக்கில், சுகாதாரத் துறை செயலர் 15.07.2011 அன்று ஐகோர்ட்டில் ஆஜரானார். தொழுநோய் ஆய்வாளர்களாக 1987ம் ஆண்டு நூற்றுக்கணக்கான பேர் நியமிக்கப்பட்டனர். இவர்களை பொது சுகாதாரத் துறையில் இணைத்து, சுகாதார ஆய்வாளர்கள் கிரேடு-1 "பி' என அழைக்கப்பட்டனர். 1997ம் ஆண்டு இது நடந்தது.

தங்களுக்கும் சுகாதார ஆய்வாளர்கள் கிரேடு -1 "ஏ'க்கும் இடையே சம்பள வேறுபாடு உள்ளது; ஆனால், இருவரும் ஒரே பணியை தான் செய்கிறோம் என அரசிடம் சுகாதார ஆய்வாளர்கள் கிரேடு-1 "பி' முறையிட்டனர். இதையடுத்து, கிரேடு-1 "ஏ'க்கு இணையாக கிரேடு-1 "பி' ஆய்வாளர்களுக்கு சம்பளம் நிர்ணயம் செய்யப்பட்டது. 2007ம் ஆண்டு அக்டோபர் முதல் இது அமலுக்கு வரும் என தெரிவிக்கப்பட்டது.

இந்த உத்தரவால், தங்களது சீனியாரிட்டி பாதிக்கப்படும் எனக் கூறி, அந்த உத்தரவை ரத்து செய்யக் கோரி, ஐகோர்ட்டில் சேலத்தைச் சேர்ந்த வெங்கடரமணன், இளங்கோ மனுக்கள் தாக்கல் செய்தனர்.

மனுக்களை விசாரித்த நீதிபதிகள் தர்மாராவ், அரிபரந்தாமன் அடங்கிய "டிவிஷன் பெஞ்ச்', "1997ம் ஆண்டு ஆகஸ்ட் மாதம் பல்நோக்கு சுகாதாரப் பணியாளர்களாக சேர்க்கப்பட்ட தொழுநோய் ஆய்வாளர்களை, சுகாதார ஆய்வாளர்கள் கிரேடு-1 என கருத வேண்டும். அவர்களுக்கு வட்டார சுகாதார மேற்பார்வையாளர் மற்றும் டெக்னிக்கல் தனி உதவியாளர் என பதவி உயர்வு வழங்க வேண்டும். இவர்களின் ஜூனியர்களுக்கு பதவி உயர்வு அளிக்கப்பட்ட தேதியில் இருந்து சம்பள பலன்களுடன் இந்தப் பதவி உயர்வு வழங்கப்பட வேண்டும்' என உத்தரவிட்டது.

கடந்த ஆண்டு ஜூலை மாதம் இந்த உத்தரவு பிறப்பிக்கப்பட்டது. இதை அமல்படுத்தவில்லை எனக் கூறி, அப்போதைய சுகாதாரத் துறை செயலர் சுப்புராஜ், பொது சுகாதார இயக்குனர் பொற்கை பாண்டியனுக்கு எதிராக, கோர்ட் அவமதிப்பு வழக்கை தாக்கல் செய்தனர். இவ்வழக்கு நீதிபதிகள் தர்மாராவ், வேணுகோபால் அடங்கிய, "டிவிஷன் பெஞ்ச்' முன், விசாரணைக்கு வந்தது.

சுகாதாரத் துறை செயலர் கிரிஜா வைத்தியநாதன் ஆஜரானார். ஐகோர்ட் உத்தரவை அமல்படுத்த அரசுக்கு இரண்டு வார காலம் அவகாசத்தை, "டிவிஷன் பெஞ்ச்' வழங்கியது. கோர்ட் உத்தரவை அமல்படுத்தி, இரண்டு வாரங்களில் அறிக்கை தாக்கல் செய்யவும் அரசுக்கு நீதிபதிகள் உத்தரவிட்டனர்.
இதையடுத்து, சுப்ரீம் கோர்ட்டில் தமிழக அரசு சார்பில் மனு தாக்கல் செய்யப்பட்டது. கோர்ட் அவமதிப்பு விசாரணைக்கு தடை விதிக்கவும் கோரப்பட்டது. இம்மனு, நீதிபதிகள் அல்டமாஸ் கபீர், சுரேந்தர் சிங் நிஜார் அடங்கிய, "டிவிஷன் பெஞ்ச்' முன் விசாரணைக்கு வந்தது. தமிழக அரசு சார்பில் கூடுதல் அட்வகேட்-ஜெனரல் கோமதிநாயகம் ஆஜரானார். சுப்ரீம் கோர்ட் பிறப்பித்த இடைக்கால உத்தரவில், "ஐகோர்ட் உத்தரவைத் தொடர்ந்து பதவி உயர்வு ஏதும் அளிக்கப்பட்டால், அது அப்பீல் மனுவின் மீதான இறுதி முடிவைப் பொறுத்தது. ஐகோர்ட்டில் உள்ள கோர்ட் அவமதிப்பு விசாரணைக்கு தடை விதிக்கப்படுகிறது' எனக் கூறப்பட்டுள்ளது.

கிராமப்புற பெண்களுக்கு இலவச நாப்கின்

2011-08-04T21:13:00.003+05:30

கிராமப்புற பெண்களுக்கு இலவச நாப்கின் வ்ழங்க இருப்பதாக பட்ஜெட்டில் அறிவிக்கப்பட்டுள்ளது.இந்த இலவசம் தேவையானது தான்.நடுத்தர குடும்பங்களிளேயே இது ஆடம்பரம் என்றும் அவசியமற்றது எனவும் கருதும் குடும்பப் பெருசுகளும், ஆண்களும் இருக்கத்தான் செய்கிறார்கள்.கிராமப் புறத்தில் கேட்கவே வேண்டாம்.வரவேற்போம்.

தேசிய ஊரக சுகாதார திட்டம் (என்।ஆர்।ஹெச்.எம்.)NRHM மூலம் குறைந்த விலை அளவில் இத்திட்டம் அறிமுகம் செய்யப்பட உள்ளது என மேமாதமே அறிவிப்பு வந்தது..மத்திய அரசின் அறிவிப்பின் படி வறுமைக்கோட்டிற்கு கீழுள்ள பெண்களுக்கு ஒரு ரூபாய்க்கு ஒரு பொட்டலம் வழங்குவதாக உத்தேசம்.ஒரு பாக்கெட்டில் 6 நாப்கின் இருக்கும்.ஆனால் தமிழக அரசு இலவசமாக வழங்கப்போவதாக அறிவித்துள்ளது வரவேற்கத்தக்கது.
இதற்காக மத்திய அரசு 150 கோடி நிதி ஒதுக்கியுள்ளது.இந்திய அளவில் 235 மாவட்டங்களில் இத்திட்டம் முதலில் நடைமுறை படுத்தப்பட உள்ளது.கர்நாடகா,ஆந்திரா,கேரளா,தமிழ்நாடு,மராட்டியம், குஜராதில் 30 மாவட்ட பெண்கள் பயனடைவர் என NRHM அறிவிதிருந்தது.NRHM வழங்க உள்ள இதன் brand Name " freedays"

உலக மக்கள் தொகை தினம் World Population Day

2011-07-26T22:52:00.003+05:30

“இன்று அபிவிருத்தியடைந்து வரும் உலக நாடுகளில் கர்ப்பம் மற்றும் பிரசவம் தொடர்பான சிக்கல்களே பெண்களைப் பிரதானமாகக் கொன்று வருகின்றன. மேலும் தாய் மரண வீதமே உலகில் மிகப்பெரிய அளவில் ஆரோக்கிய நியாயமின்மையாக விளங்குகின்றது”

1987ஆம் ஆண்டு ஜூலை 11 ஆம் தேதி உலக மக்கள் தொகை 500 கோடியை எட்டியது. மக்கள் தொகைப் பெருக்கத்தின் அபாயத்தை உணர்ந்த ஐக்கிய நாடுகள் சபை 1987 ஆம் ஆண்டு முதல் ஜூலை 11 ஆம் திகதியை (World Population Day, recognized by the UN ) உலக மக்கள் தொகை தினமாக அறிவித்தது. 1989 முதல் இத்தினம் ஆண்டுதோறும் கொண்டாடப்பட்டு வருகின்றது. மக்கள் தொகை பெருக்கத்தின் தீமைகளையும், சிறுகுடும்ப நெறியின் நன்மைகளையும் எடுத்துரைப்பது இந்த தினத்தின் முக்கிய நோக்கமாகும்.

சராசரியாக உலக மக்கள் தொகை நிமிடத்திற்கு 150 பேர், மணிக்கு 9000 பேர், நாளைக்கு 2,160,000 பேர்

ஐக்கிய நாடுகள் சனத்தொகைக் கல்வி நிறுவகத்தின் அறிக்கையின் படி கி.பி. 01இல் உலக சனத்தொகை சுமார் 20 மில்லியன்களாக காணப்பட்டது. இத்தொகை கி.பி. 1000ஆம் ஆண்டில் 275 மில்லியனாகவும், கி.பி. 1500ஆம் ஆண்டில் 455 மில்லியனாகவும், 1650ஆம் ஆண்டில் 500 மில்லியனாகவும், 1750ஆம் ஆண்டில் 700 மில்லியனாகவும் காணப்பட்டது. இவ்வாறு அதிகரித்த மக்கள் தொகை 1804ஆம் ஆண்டில் 1 பில்லியனாகவும், 1850ஆம் ஆண்டில் 1.2 பில்லியனாகவும், 1900 ஆம் ஆண்டில் 1.6 பில்லியனாகவும், 1927ஆம் ஆண்டில் 2 பில்லியனாகவும், 1950ஆம் ஆண்டில் 2.55 பில்லியனாகவும், 1960ஆம் ஆண்டில் 3 பில்லியனாகவும், 1975ஆம் ஆண்டில் 4 பில்லியனாகவும், 1987ஆம் ஆண்டில் 5 பில்லியனாகவும் உயர்ந்தது. இத்தொகை 1990ஆம் ஆண்டில் 5.3 பில்லியனாகவும், 1995ஆம் ஆண்டில் 5.7 பில்லியனாகவும், 1999ஆம் ஆண்டில் 6பில்லியனாகவும், 2006ஆம் ஆண்டில் 6.5பில்லியனாகவும் உயர்ந்து தற்போது (2009 ஜுலை) 6.76 பில்லியனாக ஆகியுள்ளது. 2012ஆம் ஆண்டில் 7 பில்லியனாகவும், 2020ஆம் ஆண்டில் 7.6 பில்லியனாகவும், 2030ஆம் ஆண்டில் 8.2 பில்லியனாகவும், 2040ஆம் ஆண்டில் 8.8பில்லியனாகவும், 2050ஆம் ஆண்டில் 9.2 பில்லியனாகவும் அதிகரிக்குமென எதிர்பார்க்கப்படுகின்றது. பொதுவாக நோக்குமிடத்து 20ஆம் நூற்றாண்டின் ஆரம்பத்தைத் தொடர்ந்து சனத்தொகையானது மிக வேகமாக அதிகரித்து வருகிறது என்பது பயமுறுத்தும் உண்மை.
டாப் டென் மக்கள் தொகை நாடுகள்
1.சீனா 1,331,630,000 (19.67%) ஜுலை 5, 2009 மதிப்பீட்டின்படி
2. இந்தியா 1,165,930,000 (17.22%) ஜுலை 5, 2009 மதிப்பீட்டின்படி
3. ஐக்கிய அமெரிக்க 306,829,000 (4.53%) ஜுலை 5, 2009 மதிப்பீட்டின்படி
4. இந்தோனேசியா 230,512,000 (3.4%) ஜுன் 24, 2009 மதிப்பீட்டின்படி
5. பிரேசில் 191,437,000 (2.83%) ஜுலை 5, 2009 மதிப்பீட்டின்படி
6. பாக்கிஸ்தான் 166,826,000 (2.46% ) ஜுலை 5, 2009 மதிப்பீட்டின்படி
7. பங்களாதேஸ் 162,221,000 (2.4%) ஐ.நா மதிப்பீட்டின்படி
8. நைஜீரியா 154,729,000 (2.29%) ஐ.நா மதிப்பீட்டின்படி
9. ரஸ்யா 141,832,000 (2.1%) ஜுலை 5, 2009 மதிப்பீட்டின்படி
10. ஜப்பான் 127,580,000 (1.89%) மே 1, 2009 மதிப்பீட்டின்படி

உலக மக்கள் தொகை பெருக்கத்திற்கான பிரதான காரணங்களாக பிறப்பு வீதம், இறப்பு வீதம் என்பன அமைந்துள்ளன. உலக மக்கள் தொகை நிர்ணயப்படி பிறப்புகள் முக்கியத்துவம் பெறுகின்றன. பெண்களின் கருவலம் பிறப்பு வீதத்தை நிர்ணயிக்கின்றது. இனப்பெருக்க திறன்கொண்ட பெண்கள் பெறும் உயிருள்ள குழந்தைகளின் எண்ணிக்கை ‘கருவலம்” எனப்படும். ஓராண்டில் ஆயிரம் மக்களுக்குப் பிறக்கின்ற குழந்தைகளின் எண்ணிக்கை பிறப்பு வீதம் எனப்படும். நாடுகளின் பிறப்பு வீதமானது உயிருடன் பிறந்த குழந்தைகளின் எண்ணிக்கையை ஆயிரத்தால் பெருக்கி நாட்டின் மொத்த சனத்தொகையால் பிரிக்கும்போது வருகின்றது. பிறப்பு வீதத்தை நிர்ணயிக்கும் காரணிகளாக வயது, மதம், கல்வி நிலை, பொருளாதார நிலை, இருப்பிடம் போன்றன அமைகின்றன.

நன்றி: அமலதாஸ் எல்றோய் லெஸ்ஸி http://amalathaselroy.blogspot.com/2010/07/world-population-day.html

Home Based New Born Care Training

2011-07-26T22:00:00.000+05:30

Home Based New Born Care Training held at Thogaimalai Primary Health center on 23.06.2011

oxygen concentrators to PHCs Vellore District

2011-06-03T14:27:00.000+05:30

All PHCs in Vellore Health Unit District to get oxygen concentrators

Improving healthcare: K.S.T. Suresh, DDHS, Vellore, explaining the working of the oxygen concentrator to PHC medical officers and nurses at the Collectorate in Vellore on Saturday.

VELLORE: All 38 primary health centres (PHCs) in Vellore Health Unit District (HUD) will be supplied five-litre oxygen concentrators, which are capable of extracting oxygen from the atmosphere and improving the quality of oxygen that is inhaled by patients through the machine.

K.S.T. Suresh, Deputy Director of Health Services (DDHS), Vellore, demonstrated the use of the equipment to medical officers and nurses of PHCs at the office of the DDHS here on Saturday. He said the oxygen concentrator has a dual advantage in that, unlike conventional oxygenators where oxygen has to be refilled every time the gas is exhausted, this equipment extracts the oxygen in the atmosphere, and could also be used as a nebulizer by mixing the nebulizing solution. The equipment filters oxygen in the atmosphere and improves the quality of the oxygen that is inhaled by the patient through the concentrator, he said.

Dr. Suresh urged the medical officers of PHCs to bring the new oxygen concentrators to regular use, and use the conventional oxygenator as a stand-by. The government, he said, was distributing oxygen concentrators for the first time to PHCs. The government has procured the equipment at a subsidised cost of Rs.23,000 (for a five-litre oxygen concentrator) through the Tamil Nadu Medical Services Corporation against the market rate of Rs.33,000 for supply to the PHCs, he said.

Dr. Suresh that oxygen concentrators meant for all 38 PHCs in the Vellore HUD were stocked in the office of the DDHS, and medical officers had been asked to take them to their PHCs from Saturday.

From 08.05.2011 Hindu

கண்மருத்துவ உதவியாளர்கள் சங்க செயற்குழு

2011-06-03T14:09:00.001+05:30

29.05.2011 Tamil Nadu Government Ophthalmic Assistants Association:State general council meet, Poomalai Rural Mart, Bharathidasan Salai, 9 a.m.

மேல்படிப்பிற்குச் செல்லும் மருத்துவர்கள்

2011-06-03T13:14:00.006+05:30

இந்த வருடம் தோகைமலை வட்டார ஆரம்ப சுகாதார நிலையத்திலிருந்து மூன்று மருத்துவர்கள் பட்ட மேற்படிப்பிற்காக தேர்வாகி பணியிலிருந்து விடுவிக்கப்பட்டனர்.
1.மரு.எஸ்.தேன்மொழி MD(GM) Madurai Medical collage
Dr.A.Thenmozi MBBS

காவல்காரன்பட்டி ஆரம்ப சுகாதார நிலைய மருத்துவ அலுவலராகப் பணியாற்றி வந்த இவருக்கு இது தான் முதன் முதலாக அரசுப்பணியில் சேர்ந்த இடம்.சளைக்காமல் மருத்துவச் சேவை செய்யக்கூடியவர். மென்மையும் நேசிப்பும் கொண்டவர்.நிர்வாகத்தில் தவறு நிகழ்துவிடக்கூடாது என்பதில் கவனமாக இருப்பவர்.எதற்கும் ஒருமுறைக்கு இருமுறை அனுபவம் வாய்ந்தவர்களிடம் கேட்டு அதன்படி நடக்கக் கூடியவர்.எடுத்தோம் கவிழ்த்தோம் என எதையும் செய்யாதவர்.இவரது வாழ்வில் முக்கியமான தருணங்களான திருமணம்,குழந்தைபேறு,கிரகப்பிரவேசம்? என அனத்தும் இங்கு பணியார்றும் போது நடந்ததால் இவரது குடும்பதுடன் பணியாளர்களுக்கும் அவர்களது குடும்பத்தினர்களுக்கும் பரிச்சயம் இருந்தது.இவரது கணவரும் மருத்துவர். உடன் பணியாற்றும் ஊழியர்கள் மற்றும் அவரது குடும்பத்தினருக்கு ஏதேனும் உடல் நலக்குறைவு எனில் தம்பதியர் இருவருமே பாரபட்சமின்றி தங்களால் ஆன உதவிகளை செய்யக்கூடியவர்கள்.எனக்கு நல்ல குடும்ப நண்பர்.பட்ட மேற்படிப்பிற்காக குறைந்த நாட்களே விடுப்பு எடுத்து அதிக மதிப்பெண்களை பெற்றவர்.MD (GM) .கிடைத்து மதுரை மருத்துவக்கல்லூரிக்கு செல்லும் இவரை வாழ்த்துவதில் பெருமை கொள்கிறேன்.15.05.2011 அன்று பணியிலிருந்து விடுவிக்கப்பட்டார்.இவர் பிரிவு உபசார விழாவிற்காக விருந்திற்கு அழைத்திருந்தார்.நானும் முதன்மை குடிமை மருத்துவ அலுவலரும் ,என்.எம்.எஸ் மனோகரன் அவர்களும் காவல் காரன் பட்டி ஆ.சு.நி சென்றிருந்தோம்.விருந்து முடிந்து நடை பெற இருந்த கூட்டத்தில் நான் கல்ந்து கொள்ளவில்லை. கலந்து கொண்டு பேசும் அளவு எனது மன நிலை இல்லை,திருமணமாகி புகுந்த வீடு செல்லும் சகோதரியை பிரியப்போதும் ஒரு சகோதனின் மன நிலையே எனக்கு இருந்தது.வெறுமனே ”போய் வருகிறேன் மேடம்” எனச் சொல்லிவிட்டு வந்து விட்டேன்.எல்லா வெறுமை களும் இடைவெளிகளால் நிரப்பப் படுகின்றன.

02. மரு.கே.சவுமியா (DPM Madras Medical collage)
Dr.K.Sowmiya MBBS

காவல்காரன்பட்டி ஆரம்ப சுகாதார நிலைய மருத்துவ அலுவலராகப் பணியாற்றி வந்தார்.சிறிதுகாலம் வட்டார மருத்துவ அலுவலராகப் பொறுப்பு வகித்தார்.சிறந்த நிர்வாகி.இவர் IAS ஆகி யிருக்க வேண்டியவர்.இவரது நிவாகத்தின் கீழ் பணியாற்றுவது பாதுகாப்பானது.எல்லா பொறுப்பையும் சுமக்கத் தயங்காதவர்.பல்வேறு காலகட்டங்களில் இவரது துணிச்சலான நடவடிக்கைகளை பார்த்து நான் வியந்ததுண்டு.குறிப்பாக எங்களது ஆம்புலன்ஸ் விபத்துக்குள்ளான போது துரிதமாகச் செயல்பட்டு அகால வேளை எனவும் பாராமல் சம்பவ இடத்திற்குச் சென்று அங்கேயே இரவு தங்கி தேவையான பணிகளை மேற்கொண்டார்.இவ்வளவு பணிகளையும் தமது கடமை எனக்கருதியே செய்தார்.எந்த நேரத்திலும் சோர்ந்து கொண்டதோ புலம்பியதோ இல்லை.தேவையான நேரத்தில் அன்பு காட்டியும் தேவையான நேரத்தில் கண்டிப்பு காட்டியும் பணியாற்றியவர்.காய்க்கிற மரம் தான் கல்லடி படும்,ஒரு உறையில் இரண்டு கத்தி இருக்க முடியாது,போன்ற சொல்லாடல் களை யெல்லாம் பொருத்திப்பார்க்கத்தக்கவர் எனினும், சிறந்த நிவாகம் என வரும் போது இதெல்லம் சாதாரனமாகிவிடுகிறது.மெட்ராஸ் மெடிகல் காலேஜ் க்கு DPM படிக்கச் செல்லும் இவரை வாழ்த்துவதில் பெருமை கொள்கிறேன்.15.05.2011 பணியிலிருந்து விடுவிக்கப்பட்டார்.

03. மரு.உமாமகேஸ்வரி( எம்.டி பெத்தாலஜி- திருநெல்வேலி மருத்துவக் கல்லூரி) Dr.Umamaheswari MBBS

இவர் சேப்ளாப்பட்டி துணை ஆரம்ப சுகாதார நிலையத்தில் மருத்துவ அலுவலராக பணியாற்றி வந்தார். பழனி மாவட்டத்திலிருந்து சமீப வருடத்தில் இங்கு வந்தவர்.அதிகம் பேசாதவர்.அதிர்ந்து பேசாதவர்.இவர் பிரிவு உபசாரமாக சேப்ளாபட்டி ஆரம்ப சுகாதார நிலையத்தில் வழங்கிய சிறந்த விருந்தில் நானும்,BMO,NMS,Opthalamic assist ஆகியோர் கலந்து கொண்டோம்.15.05.2011 பணியிலிருந்து விடுவிக்கப்பட்டார்.மேற்படிப்பிற்குச் செல்லும் இவருக்கு எனது வாழ்த்துக்கள்.

பதவி உயர்வில் செல்லும் கிராம சுகாதார செவிலியர்

2011-06-03T12:27:00.000+05:30

தோகைமலை ஆரம்ப சுகாதார நிலைய்த்தில் பணியாற்றி பகுதி சுகாதார செவிலியர் பதவி உயர்வின் காரணமாக இரண்டு கிராம சுகாதார செவிலியர்கள் மறுதலில் சென்றுள்ளனர்.

எஸ்.என்.மல்லிகா

சிறந்த களப்பணியாளர்.தோகைமலை துணை சுகாதார நிலையத்தின் கிராம சுகாதார செவிலியராகப் பணியாற்றி வந்தார்.பொதுமக்களிடம் நல்ல பெயர் பெற்று பணியாற்றிவந்தார்.அன்பும் அடக்கமும் நிறைந்தவர்.பதவி உயர்வில் கரூர் மாவாட்டம் மைலம்பட்டி ஆரம்ப சுகாதாரநிலையம் செல்லும் பொருட்டு 04.03.2011 அன்று விடுவிக்கப்படடார்.புதிய பணியிடத்தில் சிறப்பாக பணியாற்ற வாழ்த்துகிறேன்.

எஸ்.கல்யாணி

நாகனூர் துணை சுகாதாரநிலைய கிராம சுகாதார செவிலியராக பணியாற்றிவந்த இவர் பகுதி சுகாதார செவிலியராக பதவி உயர்வு பெற்று தஞ்சை மாவட்டம் வேப்பத்தூர் ஆரம்ப சுகாதார நிலய்ம் செல்லும் பொருட்டு 04.03.2011 அன்று பணியிலிருந்து விடுவிக்கப்பட்டார்.

தனது பகுதியைப் பற்றிய அனைத்து விவரங்ககளையும் விரல் நுனியில் வத்திருப்பார்.ஊர் மக்களுடன் இரண்டரக் கலந்தவர்.இரவு பகல் பாராமல் களப்பணியாற்றுபவர். தோகைமலையிலிருந்து கரூர் செல்லும் வழியில்தான் இவரது துணை சுகாதார நிலையம் உள்ளது.பணிநிமித்தம் நான் அவ்வழியாக கரூர் செல்லும் போதெல்லாம் ஏதோ ஒரு சாலை ஓரத்தில் ஒரு தோளில் கைப்பை மற்றொரு தோளில் தடுப்பூசி பெட்டியுடன் புடவைத்தலைப்பை வெயிலுக்கு பாதுகாப்பாக தலையில் போட்டவாறு இவர் சென்றுக்கொண்டிருப்பார்.பதவி உயர்வில் செல்லும் இவருக்கு எனது மனமார்ந்த வாழ்த்துக்கள்.